陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

HEHE.....我真的十分忙碌嗎?連日記都要儲起來寫。但其實是自己懶才是呢!但我真的想記低，所以我要寫，不過今晚夜了(成1點啦)，寫注題目先，好友們請繼續睇埋"再說一次我愛你"先啦!

24.10.05,星期一. "過海"

由於昨天趕唔切過灣仔森記取本"碧海左營心"，所以留到今日收工先過海攞。去完森記，見時間還早，於是就行落銅鑼灣睇吓嘢，結果這一行真的有收獲，就是給我發現了"城邦"向香港的門市，雖然向裡面無買到書，但這一發現可方便自己日後搵書呢!

25.10.05,星期二. "趕"

昨天收到銀行的電話，所以今日收到趕去銀行，趕到大新就趕唔到匯豐，結果做到自己嘢就幫唔到阿Mon，真的有點唔好意思!

26.10.05,星期三. "兩年"

10月26日對很多人來說沒有什麼，但對我來說...兩年了，今年什麼地方也沒有去，放工就回家去...我所寫的，只會放進"盒子"裡，只會留給......

27.10.05,星期四. "容祖兒演唱會"

今晚同咗謝Elaine去睇容祖兒演唱會，睇之前去尖東食飯，給我於幸福中心發現了一間名為"麵屋一平安"的日本料理，食物和環境都不錯，尤其佢地湯麵啲湯底，真的好正，下次有機會要同其他朋友去食。食完麵，去埋da dalce食埋雪糕，就往紅館進發。由於先前沒有什麼期望，所以睇完沒有什麼失望，但總結整個演唱會，開頭絕對是叫"悶"，係到中後場好啲，好彩佢啲歌我絕大部份都識，有得一路跟注唱，如果唔係我真的要謝小姐回水。

28.10.05,星期五. "勤力"

今晚星期五又要做看更，但由於是月尾，明天又短週，下星期一又請了半天假，所以今晚十分勤力，一返到中心就係咁做沒有停，做到成十點幾先走人，真的好少有呀!!

29.10.05,星期六. "利其器"

是日短週，所以同媽咪和妹妹去沙田美心飲茶，這間茶樓真的痴痴地，等位要成個鐘，我就由細等位等到慣唔覺得係乜，但那兩個習慣一去到茶樓就有位的人，就係到"而依哦鵝"，這樣好難怪佢兩個，因為都係比我種壞的。
飲完茶，阿妹有街去，剩番我同阿媽。沒有安排節目的我就帶埋阿媽，按我的計劃去豐澤買NEC的"VERSA S3000"Notebook，這部電腦我已經左想右想、左計右計咗好耐先決定買，因大啦啦成九千蚊，我要做24個月分期先買得起o架!為何要買這部電腦，原因咪方便回學校圖書館做功課同埋有時候方便於工作上面囉!經歷過上學期的不幸，我決定吸取教訓，一於先來一個"利其器"，改善做功的課環境......我今次不容再有閃失的了!買完電腦，同媽咪去街市買餸返屋企打邊爐，實行週末家庭樂。

30.10.05,星期日. "死人五常法"

星期日仲要人開工，聽什麼死人五常法第二階段，簡直無良!但這未算，我老細話我上一次第一期有半節無上，要我今日早上去埋同啲新同事一齊聽番第一期，痴線!
死左一日，收工一定要鬆一鬆，所以今晚同咗Sharon、阿Mei和Sally出尖沙咀，去試那間"巴西燒烤"。我好耐之前唔記得咩原因幫班阿青佢地book咗位自己卻無份去，所以對這裡有點期望。而這次期望沒有帶來失望呀，因為食物味道不錯，再加上有兩個巴西叔叔給你即場點唱，真係有食得又有得玩，很開心耶!!不過我們大鄉里第一次去，唔識有技巧的食，結果食咗三份一時間大家已叫晒飽，試唔到之後陸陸續續出來的其他燒烤美食。食完飯，行咗陣加威道就走了，因為好倦呀!

31.10.05,星期一. "VCD日"

今晚去了大眾買阿Mon推介的"Let’s Folk again"。之前我已經想買這碟的了，但經過昨晚在餐廳的一役，我非買這碟不可，原因係...我的英文歌知識真的十分低，非改善不可，再加上我要聽歌學英文呀!此外還有更深的原因......取此碟外，還買咗成七套VCD，hehe...因全是我較早前想去戲院睇但又睇唔成的呢!(睇唔成多數原因是無人陪)

1.11.05,星期二. "唔開心"

今日收工原本想找她陪我，但是......結果一個人帶注似病(似起感冒)的身軀，去星巴克試部Notebook的無線上網。今晚死吓死吓，還差點嘔添，係去咗食啲嘢個人先好啲。
今晚整理咗部Notebook，可以正式開始用了。

2.11.05,星期三.

沒有什麼特別，寫埋這篇日記，然後去溫書。

附圖:我的新Notebook.