陽光．彩虹．「夢」星雲 夢．星．雲 不應分離 是時候讓他們重聚 「夢星雲」的世界裡應該充滿愛與理想 讓愛的和煦璀璨入夢 讓理想的勁擦亮星星 讓澄明的心洗滌白雲 不單要凝聚，還要有陽光與彩虹

103愛的鼓勵 0訂閱站台

21/6/04,星期一. "火鍋"
今天先要多謝Oli、瑩瑩和歐慧詩的來電,多謝妳們的關心......
今晚要返學,所以收工雞咁腳走人,為了不會遲到,可以聽到Miss講下一份功課,所以到o左旺角就轉的士返學校,我準時七點返到學校呀!但點知等o下一個字,等o下一個字,Miss都唔見影,校方多次聯絡她,但始終聯絡不上她...結果今晚上不成課,我就同幾個同學向課室傾o下下一份功課,交流一o下做功課心得,和認識大家本身讀咩科,結果發現修政治學導論的同學,竟然會是來自五湖四海,有我人文學科啦、工商管理、社會科學、甚至翻譯的也有。讀OU真的好難有機會和其他同學溝通,今晚真的要多謝阿"Miss"了。
和幾個同學傾o左一陣,就落圖書館搵書做功課,搵到八點半就動身走人返落旺角,上樓上書屋搵那本書,但結果都係搵唔到,那時剛好九點,於是準時會合阿青佢地,然後一起去打邊爐。今晚的聚會有我、陳生、張生、阿婉、Pinky、阿青夫婦,亦即係"圍內"人啦!賢哥仔今晚帶我們上那間金豪打邊爐,每位八十幾任食都算抵,食到我o地飽飽的,不過係o的伙計差一點。今晚本來想傾o下搞十週年o既o野o架,但我們幾個走埋一齊一定例牌傾唔到o野,只係例牌的在笑、在嘻嘻哈哈,但這就是我們的特色,我們的開心。其實又唔係完全傾唔到o野o既,不過咪又係叫我去做o野......不過無所謂,我樂意的。我們九點幾食到成十二點先走,走時竟在酒樓內給我遇到表姐夫,不過那時他飲醉了酒,差點連我也記不起呢!

22/6/04,星期二. "端午"
昨晚夜歸,零辰四點起身睇o左一陣波,然後六點幾又起身準備返工,認真要命。雖然係辛苦一點,但係值得o既,因為今天大家都十分開心......
今天是端午節,也是耆英龍舟比賽舉行的大日子,本來這比賽舊年就有的了,但因為SARS關係,所以要延到今年才辦。我o地中心出了一隊龍舟隊(RA)和一隊啦啦隊(SW),而我就負責啦啦隊。我一早七點都未夠就回到中心打點,七點八人齊就出發,八點到了瀝源泳池會合埋RA隊員,然後再到運動館內昨最後的彩排後,就帶領隊員往城門河畔的會場進發。去到會場,發現各隊啦啦隊已經就位,場面熱鬧,兼且完全感受到龍舟比賽的氣氛,因為那時已經有比賽在進行中呢!我們進入指定打氣區後不久,比賽也開始了,見到其他隊伍出色的表現,我心中已知無行了,所以大家高興的"啦"完便是。其實我和所有隊員的心情全都一樣,一點都不在乎獎項,而係專注耆英龍舟比賽,準備為九點四個字出賽的健兒打氣。時間過得很快,比賽時間到了,河上和岸上的健兒都在努力,前者努力作賽,後者盡力打氣,結果我o地中心得到第三名,我們啦啦隊員全體都十分開心。睇完比賽,因為天氣關係,主任叫我帶啦啦隊成員入返體育館涼冷氣,然後就過返會場協助為得獎健兒影相。領獎場面十分熱鬧和有氣氛,雖然我要走來走去好辛苦,但沒有所謂,因為大家都十分高興和開心。領完獎,係時候去酒樓慶功了,最初以為運動員胃口會好過啦啦隊員,但完來是相反呢!可能是運動員倦到吃不下掛!!
忙了一個早上,下午回到屋企沖完涼就二話不說去睡覺了,我原本約朋友去食飯的活動都缺席了!
今晚婆婆與舅來我家做節,好多o野食,好開心呢!