24h購物| | PChome| 登入
2005-11-27 12:49:13| 人氣120| 回應0 | 上一篇 | 下一篇

26.11.05 "吉蒂貓與死人頭"

推薦 0 收藏 0 轉貼0 訂閱站台

26.11.05,星期六. "吉蒂貓與死人頭"

星期六，短週，一覺醒來就同細佬去食早餐，然後就回家寫日記，到下晝跟注又比阿媽捉咗去同萍姨飲茶，飲到成4點就去剪個"死人頭"，變番"靚仔頭"，因為啲頭髮真的好長哦~
剪完頭髮，即時返屋企梳洗妥當，然後就坐車出紅磡接Madam，一起過尖咀的南山谷，會合Jordi同蕉蕉佢地食飯。食飯的時候，聽了Jordi講墜胎，雖然從前知道一丁點，但再聽到Jordi形容得咁仔細，真的好唔舒服，因為始終是一個生命嘛!所以聽完更加明白教徙們反對墜胎的心情，就算不是教徙的我，亦覺得這是生命呀!食完飯，我將原先賀蕉蕉畢業的禮物送給她了，但這禮物現在同時可賀她找到另一份新工，希望她之後的工作能一切順利、開開心心啦!還有希望這份禮物她亦合用和喜歡。
食完飯，一行人坐的士去"九龍大酒店"...隔離的工廠大廈，去睇"吉蒂貓與死人頭"，但我們早到o左，白白行多咗次樓梯，原因這裡沒有"升降機"，要行幾層樓先去到演話劇的單位。我們早到了成四個字，既然未入得場，那只好行番落街等啦!到夠鐘再上番去，差點行到我抽筋、Madam都腳震呢!(我們這些都市人真的要好好檢討)
入到演出單位，真的如我所想的是坐向地下睇，地方細細的使演員和觀眾距離很近，使我覺得自己也置身於舞台，在劇中的閣樓裡面，躲在一旁偷望別人似的。這齣劇的男女主角都演得不錯，尤其女主角，但那個導演我就覺得演得有點專業得黎但又好似差一點，至於那個搞笑女仔，唔專業得o黎但又好自然溶入套劇......總結套劇是演得不錯。套劇做完，做埋討論，都十一點幾了，因為Madam住將軍澳，加上她不可太夜歸家，所以就送她返屋企，亦因為一來一回實在又耐又夜，所以我沒有返出旺角會番大家一齊飲嘢啦!真的唔好意思呢~

我要檢舉
台長： Snoopy John

您可能對以下文章有興趣

人氣(120) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文