首先要同自己和各朋友說一聲新年快樂!!因為寫日記的日子已經是2005年1月5日的了!!
如果要用我多愁善感的去看由聖誕至元旦，我是過得唔開心的﹔ 但
如果用積極和看開一點的角度，我算過得不錯的了...
而由於時間關係，我的日記非簡單不可(其實係我無記性)，是關我今晚寫完，又要閉關趕功課了!!
24/12/04,星期五,"平安夜"
愁善感:平安夜也要開工至十一點，因陪埋阿Meg做埋D手尾(但其實十點至十一點是等她的來電...但結果都係等唔到，十分唔開心呀!因為我本想在今晚將自己親手做的聖誕禮物和給她去旅行用的小禮物送給她的，但是......)先走人，然後一個人在旺角火車站渡過平安夜到聖誕日的一刻......而整晚也沒有睡，通宵等她的來電，但結果...這只好怪自己那晚沒有勇氣。
積極看開:平安夜開工有阿Meg兩公婆陪至11點已經好好了(其實係我陪佢地先真)!!收工之後，出旺角會合Jordi佢地，先去滿記食甜品(我第一次去咋，試了芒果豆腐花，正!!!)，然後就試了第一次唱K唱通頂，而且沒有點停過的唱個隻!!好激呀~~不過成晚最正就係到早上六點半的最後一首歌，Sharon介紹，尹光作品--"少理阿爸"，使我們全部人醒晒，因為這是一首"粗口歌"，我第一次聽咋，內裡全是咸濕、低俗和粗口，但配合尹光演繹的MTV，真的會笑到你"轆地"，如果大家有機會去Neway，而又唔怕聽到低俗粗話，不況一聽，真的低死!!聽完一首咁醒神的歌，已經是6點半了，所以我們4丁人去了飲早茶，然後各自返歸sleep sleep準備下場......
25/12/04,星期六,"聖誕節BBQ"
愁善感:始終不能將禮物交到人家的手上......從人家的口氣，似乎還在嬲呢!!
積極看開:經過通宵一役，飲埋早茶返到屋企都已經是九點幾了，入到屋我二話不說就跑入房，第一時間跳上床，但我只能睡至1點就起身了，可能是過了正常睡覺時間的關係啦!所以我就第一時間去沖涼梳洗(hehe...早上回家時沒有沖涼就上床)，然後同爸媽去食過午飯，4點鐘到"身體店"會合同學仔，一起去街市買野一陣BBQ!!
今次燒野食的地方就在我屋企樓下(因為夠方便嘛!!)但因為節日的關係，這個平時無乜人到的燒烤場，今天變得熱鬧起來，D爐全都被人霸晒，但好彩有媽咪出馬幫手，我們才爐有燒咋!我們今晚有成十三人燒野食呀!最初都無預有咁多人的，原因係多了我阿媽和曾氏伉儷及Sharon，所以我要出動埋屋企o既摺凳才夠坐呀!!今晚BBQ的氣氛不錯，但由於燒到成十點幾，所以原定到我家打麻雀的下場取消了。燒完野食，同自己的同學仔說BYE後，就同Jordi佢地搬野返我屋企，然後上"獅子亭"睇星星，不過因為雲層太厚的關係，看不到星星呀!所以改為欣賞美麗的沙田夜景。我都不知有幾多年沒有上過獅子亭了，雖然住得算近，但平時真的無咁o既閒情逸致走上去呢!欣賞過後，一行四人行路番落穗禾苑，我就當然上樓返歸"交交豬"啦!而Jordi佢地也坐車走了。聖誕日就這樣過了。
26/12/04,星期日,"不能相送"
先在這裡向南亞海嘯的死難者默哀......
沒想到04年聖誕日的第二天，會發生今世紀的第一個人類大災難，實在太可怕了，這個由地震引發的海嘯，短短時間便吞噬了數以萬計的生命，真的是顯示了在大自然的威力下，人類變得十分渺小......雖然大自然我們沒法控制，但傷亡原本是不是可以減少呢!?地震發生了，為什麼有些預料會發生海嘯的部門，不發出警報，減少死傷呢??(我細佬話今次地震引發的世紀大海嘯，可能是由較早前一顆跌落印尼的殞石所引起地震，繼而引起的)
愁善感:沒有機會送機，那只好用心祝福，祝福妳旅程一路順風，玩得安全又開心﹔今天是妳的生日，已經不能為妳慶祝和送上禮物，那只有用手機短訊為妳送上一句"生日快樂"吧!
積極看開:今天沒有安排什麼活動了，所以下午就一家人去了玄圓學院拜阿公，但我們萬萬也沒想到遇上看菊花展的人潮，結果我們排了差不多一個鐘頭隊才坐到小巴上玄圓呢!我們拜了公公，當然不會錯過欣賞菊展的機會，媽咪&妹妹更順道要影o下相添。影完相，一家人坐的士落番荃灣買菜(因唔想排隊等小巴了)，回家煮飯食，然後開檯打麻雀，呵呵~~~
27/12/04,星期一,"野外打邊爐"
愁善感:在阿Mon屋企接到一個不太開心的電話，是容婆婆的兒子來電，她告知我，容婆婆在16日離開我們了...我聽到這消息覺得十突然和唔開心，因為先前沒有聽過她有什麼大病，只是長期都有腳痛，沒想過她會突然離開...但最令我在意的，就是較早前應承她到老人院探佢，但因為忙的關係，始終抽不到時間...沒想到一個月前和她的電話對話，會成為絕句。當時容婆婆還體諒我忙，在電話筒內說知道我工作和學業忙碌，有時間先去探佢都無問題...我真的十分遺憾，應承老人家去探一探佢也做唔到。
積極看開:收拾不快的心情後，就同鍾太、阿Meg、阿Mon一家坐阿Mon老公o既的士往西貢進發了，因為我們要到郊野公園"打邊爐"哦~呵呵...這時我第一次在戶外打邊爐，我未出發就已經覺得好得意，因為未試過嘛!所以這次我帶著一個小孩的心情去旅行。在戶外打邊爐真的別有一番風味，起碼唔開"辣咀"，因為在鍋內取出的食物，很易被風吹涼，食物很易入口。這次郊外打邊爐除了感覺特別外，還有一樣東西，使我像小孩般興奮，就是圖中的"Gas燈"，對於一個未曾試過露營的城市人，見到這樣發明就好似原始人見到電燈泡一樣，感覺新奇有趣，因我從前接觸過都只是火水燈一類的東西，未見過原來有用打邊爐的gas來點燈呢!而且仲好光猛添呢!!呵呵~~我這個原始人一樣咁o既o野都可以興奮起來了,呵呵~~~(我遲d都要買)
今晚真的玩得好開心，不過有代價，因為食完返到屋企肚子又......
28-30/12/04,"開工"
放o左幾日假，係時候開工了，一堆工作等注做，又趕注做另一堆，因過幾日又放假了，我仲一放放到3號，所以這幾天要找緊時間趕工。
30號晚一個人出了旺角shopping，給我用$88買到"The Snoopy Book 8"，呵呵~~最初行幾間舖都搵唔到，但最後給我在"兆萬"買到之餘，還用這個平價錢買到，真係開心。除此收獲外，還給我在信和發現了"漂流艦DVD1-8集"，HEHE...當然第一時間買下，還有在田園買了何權峰和吳若權的作品都只須一百蚊，好底呀。到最後回沙田，去取埋部"超直"和"新書"便返歸，真係大豐收呀!!雖然買到咁多o野係好開心，不過我真係唔鍾意一個人行街，我有想過搵她一齊去的，但我唔知佢嬲完我未呀...
31/12/04,星期五."除夕夜一個人在公園吃Pizza"
愁善感:大除夕晚，碰巧又是星期五，也就是晚上也要開工，就是這一工，害我要十一點幾出到旺角，結果趕不到和一眾朋友打邊爐，要一個就到Pizza Hut買件單件薄餅和雞翼，一個坐在家樂隔離的公園仔，天寒地凍在吃......
積極看開:雖然只是站在旺角街頭迎接新一年，但能夠同一班好朋友一起渡過，內心已經充滿安慰。還有其實朋友也已經等了我很久，當中有人第二天還要開工添的呢!!
1/1/05,"新一年"
新的一年的第一天，沒想過第一處要去的是便醫院，因為我和爸媽又去大口環探大姨婆(她較早前唔少心跌斷腳，所以入左院，她今年九十幾歲了)。探完大姨婆，三仔爺娜無o野做，所以於西灣坐成個鐘巴士去工展會逛(用一個鐘先去到天后,雖然離譜左d,但三個幾銀錢真抵坐)。我們去了工展掃了不少平貨(當然全是食的)，我們還在裡面開餐添呀,好多野食呀!
2-4/1/05
待......
5/1/05,星期三."又病倒了"
每年要搵李醫生三四次對我來講似乎是正常的，但沒想到踏入05年的第五日就要搵他了。不知是不是因為1月1日到過醫院和1月3日到過"大酒店"，所以隔日就大病起來了(唔利是呀)!!我好辛苦呀!!因為我今次患了感冒，全日一路開工一路死撐，所以到現在成個人散晒、無晒力了!!
剛剛飲完苦茶，係時候要休息了。
6/1/05,星期四."不能上班"
今天真的不能上班了，因為昨晚吃過藥後今早起床周身痛和勁頭痛，到現在都是呢喃!所以，今晚又要去多次搵李醫生，又飲多碗苦茶哦~~
小梨子還有第二個嗎?我就只識得一隻有一顆北極星照注的梨啦，妳話呢...?多謝Kelly妹妹妳的關心呀!
還有多謝Kitty家姐 和 "瑩瑩"的問候......(^.^)
*ps.野外火鍋呀!!這是我第一次在夢星雲出現，希望小梨子見到John哥哥的衰樣不要害怕!!
文章定位：
26.7.08 "出發啦!出發啦!準備出發啦!, (chausze)