終於完左一日既事，好似好混亂咁樣，而家都唔係好記得當中既細節。
上個禮拜三晚去睇戲前突然間心血來潮（唔係姨媽到呀﹗）打電話俾 Ann 姐，話晒佢都知道我地唱 k，點都打個電話好 D。接電話0個個係 CP，點知佢話 Ann 姐走左，我都冇再同 CP 講咁多野，因為 Ann 姐走左既話，佢老闆會0係度……成晚 Elmo 由開場至散場狂講 Kawaii，我就黎搵野扑暈佢算喇﹗我都有諗過，如果我同 CP 睇呢套我會唔會喊得出，結果我成晚好似發緊夢咁，係最尾播 Orange Range 既〔花〕時至醒晒，仲一齊唱添﹗
第二日打電話俾 TT 傾計，佢竟然話我0個晚好“俺偆”<-（唔識寫），而 CP 就越坐越埋又唔出聲唔知搏咩，成間公司都笑我地兩個一定有野咁話，咁我當然循例否認啦﹗（哦﹗唔怪之得日前聽到 CP 把聲好似好奇怪咁啦﹗）不過傾傾下知道公司好唔掂，可能舖頭要執喎，因為加左租，每日又唔係賺得多，又當眾俾人扯晒 D 客走，CP 都好似少左好多客咁樣，TT 仲話前排 CP, Rita 同佢老闆三個開會要 cut 一個，一係 TT，一係 Annie。咁 Rita 梗係幫住 TT 啦﹗咁 CP 咪要護住 Annie 囉﹗但係我同 TT 講，炒左仲好，好似我咁，跌左個橙，執番個西柚﹗仲好過舊屎添﹗又多一個月俾﹗好彩佢都唔寄望呢度做得長，如果唔係報答 Rita，佢晨早走左好耐﹗不過我地講下講下，決定每個月都約出黎見面唱 K，好野﹗但係因為 TT 同阿婆都唔鍾意 CP，所以可能唔搵佢，點都好啦﹗知道佢好就夠喇﹗收線後，突然間好想講俾 TT 知我鍾意 CP 既野添，不過某 D 原因，算啦﹗有機會再講，因為而家又唔係好想講喇﹗
PS. 多謝小郡主送既唐老鴨曲奇餅，我仲未食呀﹗不過真係好好笑﹗我話俾妳聽 CP 把聲似唐老鴨時，妳就送唐老鴨曲奇餅俾我，哈哈﹗即係叫我“搭”佢啫﹖
仲有，攪左好耐好耐既腦終於搞掂﹗可以正常上網，仲有容量又大左，冇咁易會香喇，好野﹗不過有個問題想問大家：我用唔到 ICQ Send File 俾人，同埋收唔到人地俾我既 File ，有咩辦法解決到呢﹖
文章定位：
