星期一我個 Friend（佢話要匿名喎﹗）上黎我公司見工，我真係好開心呀﹗如果老細真係請左佢就好喇。我有多一個佣…（呀唔係，睇錯字添）伴（心腹）幫我哩，嘻嘻﹗
本來諗住佢上黎時我去應門架（我負責開門既），但係點知真係人算不如天算。 Ann 姐突然間叫我落去舖頭幫手…因為舖頭得番三個人咋，有兩個同事同時請左假。唉﹗冇辦法啦﹗同個 Friend 緣慳一面喇﹗
有時有 D 野真係唔到妳唔信，真係好似做戲咁做架。因為 6:30 左右我要上番寫字樓拎貨，再去完個 Toliet 時見到我個 Friend 企係門口﹗﹗哈哈﹗Thanks God~ 呢個世界真係幾橋都有呀﹗
之後我要落番去，叫左我個 Friend 坐低我就要走喇。不過後尾佢見完黎搵我時已經係 8:00 喇。聽番佢講應該冇問題既，我覺得佢可以等第二次 Interview，不過到目前為止，Ann 姐仲未同老細報告（正確黎講應該係老細唔得閒啋佢）。搞到朋友仔可能要等到星期五至知有冇得見喇。
不過老細呢幾日 Short 左呀﹗老人痴呆呀﹗自己講完又唔記得，係度話番我轉頭，嗚…呢兩日受左好多氣呀﹗>_<
文章定位：
