我都唔知點解我會改呢個題目，我一見到呢張相就諗起呢句嘢喇﹗總之新一年大家都要和和氣氣，無論係對住屋企人、朋友、情人、上司、同事、抑或係街上面三九唔識七既人，都盡量少 D 嗌交。好似佢哋三個咁好感情（唔係叫你哋同街上面既人好感情呀﹗）咁就真係和氣生財喇﹗我都唔知自己想講咩喇﹗
呢幾日不停出街，買咗好多嘢，又買咗個新手袋俾阿媽之餘，仲送埋個手袋仔俾自己，鬼咩﹗正價架作死，不過我係俾完錢去拎貨時先至話俾我知有得送。因為我哋決定買嗰個袋叫佢俾個新既時候，阿媽係都要叫我買個細袋裝利是，但係個 Sales 又唔講有袋送，仲係咁要我哋買其他袋『呢個妳鍾唔意呢﹖』『咁嗰個妳又鍾唔意呢﹖』好彩我睇唔啱，冇俾佢呃到啫。最後佢話俾我哋知有袋送既時候，我哋都『吓~﹗』咗一聲。
唉﹗成日話儲錢，今個月又狂洗錢，幾時至去到日本呀，救命~﹗
PS 好多謝呀某某人姐送咗個『穿上窿』既電話繩俾我呀，好多人都讚佢靚呀﹗我仲留番嗰張花花硬卡紙擺咗喺公司添，遲 D 用個新電話影番張相先﹗係喎，聽日打電話去問下個電話有得攞未先至得﹗呀~好緊張呀﹗希望出到日文字啦﹗
文章定位：
