尋日約咗阿 Bi 去聽留日講座，趕到我死﹗因為 2:00 要去到旺角，1:30 我重喺公司，好彩去到都唔係開始咗好耐啫﹗原來真係好多人想去日本留學架喎﹗仲有 D 年紀都唔細既。
聽聽下，至知要顧慮既嘢有好多，之前冇諗過既嘢原來都好重要，而且原來個戶口要成 $20-300,000 至去得架。m(．O．)m
唔係呀化﹖有咁多錢我駛鬼去讀書咩~﹗請個專人嚟教我都得啦﹗廢話﹗我重諗住如果儲十萬就得既，咁我兩年後都應該得既。但如果二十、三十萬既，咁我咪要儲六、七年至得﹖到時我都三十路喇，我諗我都冇咁好精力同 D 後生仔女去鬥成績嘞﹗而家首要任務係：少出街，努力溫書，考好個二級日文試先，到時再算。
文章定位：
