尋晚同兩個朋友仔去左尖東 Do Re Me 唱 K，即係以前 Be A Star 度。間野雖然冇以前咁大，大概得番一半 Size，但裡面裝潢好靚，好 High 卡士，全男班 Waiter 又幾型仔（最大原因我可能較暗左盞燈），每次 Service 都會幾個一齊入0黎，搞到好似間『Host﹗』咁。唔知係咩，即係鴨店呀……@o@
我兩個朋友仔都係學緊日文，其中一個仲同我 D 日文差唔多添。所以我同佢唱得好 High，好過燦。變左另一個朋友仔會好悶添，Sorry﹗
我地仲約埋出年 2 月去日本，其實本來係今年 9 月，跟住拖左去 12 月，而家仲變左出年 2 月。不過 2 月既新年假好正，只係同公司請 3 日假就有 9 日假期喇﹗而且 2 月 6 號我生日，2 月 8 號係年初一，我可以0係日本過生日喇﹗Yeah~~~
我仲同埋一個肥妹朋友 4 個一齊去。上次就得 3 個人，而且另外兩個唔識講日文，全程都側重要我講，我一個要帶住兩個人所以好辛苦。今次我只係照顧『科妮』（超肥肥一族成員）就得。而且又已經去過，應該會輕鬆 D 。今次主要又會去番東京，希望可以既話去到大阪啦。不過真係希望『科妮』唔好發癲就得喇。嘻嘻﹗
如果你地想去都可以一齊去0架。我唔 Mind 0架。
文章定位：
