供唔供匯豐？＠My Heart Will Go Wrong｜PChome Online 個人新聞台

2009-03-08 01:33:55| 人氣154| 回應0 | 上一篇 | 下一篇

供唔供匯豐？

推薦 0 收藏 0 轉貼0 訂閱站台

今個星期，好多好多蟹民都問：應唔應該供5匯豐？

我o既個人立場係：唔供，賣o左張威士走。

原因：

以前買匯豐，係因為佢實力雄厚，既唔怕執笠，業務穩健；又會努力收購，帶o黎增長能力。所以，匯豐特別用三腳椅政策，美國、歐洲（包括英國）、亞洲（香港及新興市場），目的係進可供、退可守。

今時今日，金融海潚席捲全球，無任何地方/行業幸免，變相越國際化，越易深受影響。當然，如果管理層級數夠班，當然唔係問題；但單從佢地o係HK$120-130之間俾人狂鬧仍然無反應，等到五十幾蚊先至攪供股，就知質素低劣‥‥‥

而呢個HK$28「低價」，並非匯豐想o禁低價，而係唔用呢個低價，好多機構投資者今時今日都已經無$$$無能力去供。
唔好忘記，香港散戶持股不足30%，超額供都唔頂得幾多；本港大孖沙個個預備硬食US$3億美金，都唔係好多$$$。

而美國到呢個階段，先至壯士段臂，叫做遲做好過唔做；但可惜就o係拆呢隻椅腳o既同時，歐洲隻腳已經有白蟻出現！
雖然之前已經出售o左部份法國分行業務，可惜之前葛霖仍然熟睡o既時候，無喇喇o係英國樓市由牛市轉入熊市之時，以低息狂搶樓宇按揭生意，意味呢兩三年，佢好大機會面對因為樓價大跌而斷供/破產Cases，做成壞賬狂升；其他歐洲市場，亦因為市民賺唔到大錢，消費/投資意欲薄弱而影響銀行利息及佣金收入。更奇o既，係無喇喇用超高價回購金絲雀總部！依家o既經濟狀況，再7折都可能可以成交到，到時又要因為按賬面估值下跌而錄得虧損‥‥‥

匯豐依家全力發展新興市場，但頭啖湯已經失去：甚至2888渣打，都遠遠做得比佢好。匯豐發展速度之慢，難以抵消歐洲業務o既下滑。

買入匯豐o既原因，只剩一個：唔怕執笠，因為Too Big To Be Fail，到時港英兩地政府一定救佢。

最後，必須要記住，長線投資股票，係買公司o既前景；匯豐正正係前景令人擔心一族，又點解唔等好轉先買呢？

估值：

供股前每股Book Value有HK$57.65，以佢o既質素同香港市民o既愛戴，假設業務情況唔比依家估計o既差，可以值Book Value o既50%-60%，即等於：
除權前：HK$34.65-HK$41.59
除權後：HK$24.46-HK$29.36

策略：

狠心者—除權前以HK$41.6或以上沽清。
唔捨得者—除權後以HK$8或以上沽出威士。

我要檢舉

台長：金文泰