次按黑洞＠My Heart Will Go Wrong｜PChome Online 個人新聞台

2007-08-19 01:03:46| 人氣69| 回應0 | 上一篇 | 下一篇

次按黑洞

推薦 0 收藏 0 轉貼0 訂閱站台

琴晚美國突然減貼現率50點子到5.75%，唔知香港o的銀行下星期會唔會跟減25點子呢？
始終，我依家有唔小資產係o係銀行收息架~（其實都唔多，不過都想多o的息收o麻~）

對於今次突然減息，股市反彈向上在所難免；甚至好多專家估計，下個月會再減息25點子，支持股市。
不過，我反而因為今次伯南克o既突然出招，感到次按唔係風暴，而係黑洞！

次按o係美國非常普遍，而匯豐早前買入o既Household就主力做呢瓣。有別於香港o既二按，美國次按幾乎個借款人話自己收入幾多就用o黎計借幾多，唔使點Check資料；當然，息率會較普通按揭高。
其實，次按同做假數有咩分別？
按揭公司都唔敢負上過多風險，同想收多o的$$$借出去，所以將部份貸款包裝成次級按揭債券出售。次級按揭債券較高息，所謂重賞下必有勇夫，o係過往美國樓市不斷上升，人工不斷上升時，極少觸發事件發生，所以高息可以袋袋平安。

次按風暴成因：
美元加息==>供樓$$$上升==>借款人無$$$供樓==>次按公司壞賬==>次級按揭債券無$$$俾息/贖回（觸發事件）==>次級按揭債券投資者損失

或

美國經濟好==>消費開支上升==>借款人無$$$供樓==>次按公司壞賬==>次級按揭債券無$$$俾息/贖回（觸發事件）==>次級按揭債券投資者損失

我睇到o既伯南克方案：
減息==>減低供樓$$$==>借款人有$$$供樓==>次按公司無事==>次級按揭債券有$$$俾息/贖回

或

減息==>次按公司借到平$$$==>次級按揭債券有$$$俾息/贖回

結果，唔係解決問題，而係拖字決……
另一方面，其實美國經濟唔錯，減息又可能刺激經濟增長，到時又要追加息率為經濟降溫，令金融體係大亂……
最重要o既係，有咩會令1位老婆婆慢慢橫過馬路o既時候，突然跑過對面馬路？
可能未來對經濟o既實際破壞，比市場o既估計更加更加大！

所以，我個人覺得o係o黎緊o既反彈市，只可少量投機，或用平均成本法作長線投資，因為會有1次更大o既跌市o係今年內出現。
會考慮繼續重組投資組合到更低風險。

我要檢舉

#次按黑洞

台長：金文泰