承受風險能力＠My Heart Will Go Wrong｜PChome Online 個人新聞台

2007-08-05 01:48:37| 人氣76| 回應0 | 上一篇 | 下一篇

承受風險能力

推薦 0 收藏 0 轉貼0 訂閱站台

今朝同Joyce傾電話，得知佢位agent建議佢份MPF全數投資高至極高風險o既基金時，我不禁嚇呆：佢o既承受風險能力屬中等，股票比重高都已經可以話係因為年輕而可以硬提升o既Maximum Point，又何必推到高至極高？

以過去計，除日本外，長線投資股票o既回報係非常吸引；不過，上落可能引致心血少o既人情緒失控：
賺錢當然開心；但見到蝕錢，又坐立不安，結果可能係低位轉做低風險基金至安心，但放後基金可能又大升……
（如果你係初初乜都唔理，聽見股票低就買高風險基金想賺多o的，o係2003年3月被嚇到轉去低風險基金，之後又無再轉基金o既朋友，唔好意思，我就係講緊你！不過，經一事，長一智，以後要學叻o的喇~）

日本o既日經平均指數，17年後o既今日，都上唔到當年o既40%；美國o既Nasdaq，7年後o既今日，都上唔到當年o既50%；8號仔電訊盈科貴為藍籌股，仍Fall到唔夠7年前o既4%；4號仔九龍倉，又有海港城又有時代廣場又係老牌藍籌股，但股價比13年前更低。
邊個話長線買股票一定賺錢？請叫佢o黎搵我！

食得鹹魚抵得渴，食完美味o既鹹魚雞粒炒飯，都要買o野飲喇；更何況買股票想賺多o的呢？當然，要付出代價~

既然無必勝o既高回報，點解唔心安理得，按照自己個心、自己o既承受風險能力去做投資呢？

------------------------------------------------

按年齡去分配投資風險，只係社會成日覺得後生仔錢唔多唔會理，阿公阿婆心血少；但無人諗諗如果個婆婆o的錢增長速度低於通脹，會可能唔夠用到老？

香港o既銀行存款息，其實過去長期低於通脹；但如果適量投資本地優質股票，反而有希望跑贏通脹，減慢坐食山崩o既速度。

另一方面，我支持定期，至少每年1次回顧自己o既投資，因為每個人o既承受風險能力，可能年年都唔同；財富銀碼會影響決定，結婚、拍拖、市況、智識、甚至朋友影響都會，所以要定期睇睇，有須要就轉轉，繼續心安理得。

-------------------------------------------------

我o既承受風險能力，係9格裡面第3最高，所以我會定期適量減減高風險投資，唔會成日太博。
依家市況我覺得高，所以就Hold較多Cash、保本基金、債券基金同AHL期貨對沖基金，就係減低我o既情緒波動。
仲未計到今次o既次按風暴，幾時先至完結，所以唯有盡量不變。

我要檢舉

#投資承受風險能力

台長：金文泰