相思詩/懶雲 曲/吳易叡 演唱/呂美親前日公園會著君， Tsîng-ji̍t kong-hn̂g huē-tio̍h kun,怎會即溫存？ Tsuáⁿ-ē tsiah un-sûn?害阮心頭拿不定， Hāi gún sim-thâu lia̍h bē-tiāⁿ,歸日亂紛紛。 Kui-ji̍t luān-hun-hun.飯也懶喰茶懶吞， Pn̄g iā lán-tsia̍h tê lán-thun,睏也未安穩， Khùn iā bē an-ún,怎會這樣想不伸， Tsuáⁿ-ē tsit-iūⁿ siūⁿ bē-tshun,敢是為思君。 Kám sī uī su-kun.批來批去討厭恨、 Phue lâi phue khì thó-ià hūn,夢是無準信， Bāng sī bô͘ tsún-sìn,既然兩心相意愛， Kì-jiân nn̄g-sim saⁿ-ì-ài,那怕人議論？ Ná kiaⁿ lâng gī-lūn?幾回訂約在公園， Kuí-huê tìng-iok tī kong-hn̂g,時間攏無準， Sî-kan lóng bô͘-tsún,相思樹下獨自坐， Siuⁿ-si-tshiū hā to̍k-tsū tsē,等到日黃昏。 Tán kàu ji̍t hông-hun.黃昏等到七星出， Hông-hun tán kàu tshit-tshiⁿ tshut,終無看見君， Tsiong bû khuàⁿ-kiàn kun,風冷露涼艱苦忍， Hong líng lō͘ liâng kam-khó͘ jím,堅心來去睏。 Kian-sim lâi-khì khùn.原載於《台灣新民報》三九六號，一九三二年一月一日。現代台羅寫法:前日公園會著君, Tsuáⁿ-ē tsiah 溫純?害 gún 心頭 lia̍h bē-tiāⁿ,Kui日亂紛紛.飯也懶tsia̍h 茶懶吞,Khùn 也 bē 安穩,Tsuáⁿ-ē 這樣想 bē-tshun,Kám 是為思君.Phue 來 phue 去討厭恨,夢是 bô͘ tsún-sìn,既然 nn̂g心相意愛,那驚 lâng 議論?幾回訂約 tī 公園， 時間 lóng bô͘-tsún,相思樹下獨自坐,等 kàu 日黃昏.黃昏等 kàu 七星出,終無看見君,風冷露涼艱苦忍,堅心來去 khùn.p.s. 後來，我發現， tsit-khuán 五七五 kap 日本 ê 長歌真相仝，差別 kan-ta，日本長歌是 57575757...，賴和 kā píng--過來，做 75757575...。
