24h購物| | PChome| 登入
2010-09-25 10:03:01| 人氣623| 回應0 | 上一篇 | 下一篇

Paul Goble: Tī 西部 ê Ukraine, 甚至露西亞族 mā 投 hō͘ 親Ukraine 政黨

推薦 0 收藏 0 轉貼0 訂閱站台




根據 tsi̍t-ê 露西亞分析家 ê 講法, tī 西部 ê Ukraine ê 露西亞族內底「特別明 ê tsi̍t部份 lâng」, 尤其 tī 少年一代, tiāⁿ-tiāⁿ 投 hō͘ 親Ukraine ê 政黨, 因為「國家主義 ê 宣傳」, mā 因為比起 「kap in 歷史 ê 母國 - 露西亞保持牽連」, in khah ǹg-bāng 活 「tiàm 歐洲」.

Iá-koh ū 是, he kan-ta 是第二改世界大戰了後一直 kàu 1990年代扮演 tuā 角色 ê 族群失勢 ê kuí-nā-ê 徵兆 ê tsi̍t-hāng, Dmitry Korolyev iōng tsi̍t-phiⁿ 詳細 ê 文章討論西部 Ukraine ê Lviv tshī ê 露西亞人.

伊寫 kóng, thâu-tsi̍t-ê tuà tiàm Lviv ê 露西亞人是做印刷 ê Ivan Fedorov, 伊 1572 kàu tsia, m̄-koh 1939年 ê 時, koh tsiok-tsió 露西亞人 tiàm tsia. In 一直是反Bolshevik ê 白軍阿兵哥 kap in ê tshù-lāi-lâng, in 算--起來 siōng-tsē 幾百 ê.

根據 1931年波蘭 ê 統計, Lviv 接近 tsi̍t-puàⁿ ê lâng 是波蘭人, beh 三分一是猶太人, 粗粗六分一是 Ukraine-lâng, 其他包括露西亞人 bô kàu nn̄g pha. M̄-koh, 二戰時 Stalin kā Ukraine tsia̍h--khí-lâi 了後,  露西亞人tshìng tsin-kiā.

親像 Korolyev 點--出來--ê, 「大部份波蘭人 hông 趕 tńg 波蘭, 猶太 khah早tō hō͘ 法西斯消滅.」初初, in ê 所在 kui-ê hō͘ 市區piⁿ tsng-kha ê Ukraine-lâng tuà 了了, m̄-koh tsin-kín Moskova 開始組織露西亞人 入來.

1944 kàu 1959 「接近 tsi̍t-puàⁿ」 ê 露西亞人 uì 露西亞聯邦來 kàu hia; tshun-ê lâng uì Ukraine 東部 ê 省 uì 蘇聯其他 ê 共和國來, In hō͘ 奧地利波蘭式 ê 高水準建房 saⁿh-tio̍h, 雖然地下 ū 反蘇聯抗暴軍 ê 威脅.(Tsiok-tsē tī Lviv ê Ukraine族一直認同 tsi̍t-ê 團體. 根據 Ukraine公共意見研究中心最近 ê 民調, 「每三个 Lviv 住民 ū tsi̍t-ê 認為伊 ka-kī 是抗暴軍」tō 算是二戰了後 65 年 ê 今á日.)
 
雖然 tsiok-tsē Ukraine-lâng bô 同意伊, Korolyev kóng tiàm Lviv ê 露西亞人bô͘-pō͘ 做佔領者 mā bô͘-huat-tō͘ kā tsit-ê 城市露西亞化. Tńg-tó, 伊 kóng, "ài 大大感謝 in ê phah-piàⁿ, 知識 kap khang-khuè, "Lviv 變做 tsi̍t-ê 主要 ê 工業, 科學 kap 文化中心."

露西亞族 tī hia 組成真 tsē 教育機構(ki-kò͘) ê 教學核心(hu̍t-sim), in ê 社群 ū 56-57 pha teh 做"知識性" ê khang-khuè. Tī 1959 年 kan-ta 13.3 pha ê Ukraine族 ū thang 做 án-ne ê khang-khuè, tī 1989 mā kan-ta 29.9 pha niā-niā.

1951左右, 露西亞族佔 Lviv 30.1 pha 人口, 1959年 ta̍uh-ta̍uh-á 落 kàu 27.1 pha. 確是, Korolyev koh-kóng, tiàm he幾年露西亞族佔 Lviv 人口是 kuân--ê, "比較 Kyiv, Vinnitsa, Kirovograd" kap tsiok-tsē 其他 ê 城市.

而且, 伊補充, "khah-su 汝 kā kóng 露語 ê Ukraine-lâng(uì Ukraine東部來--ê) kap 猶太人 koh 加--入去, 差不多 tsit-ê 城市 tsi̍t-puàⁿ ê 居民 hit時露語是 in ê 母語." 

"不管 án-tsuáⁿ, 1960 tsit-ê 城市已經開始," tsit-ê 露國分析家 kóng, " tī 人口 ū 激動 ê 變化. 一方面, Ukraine族 uì tsng-kha 拼--入來, 一方面, 露西亞族 ê 自然增加率因為 kē ê 出生率 kap kuân ê 離緣率人口 siak leh tsin-kín."

Tńg-uan ê 趨勢 hō͘ 三个其他 ê tāi-tsì ka-kiông: 露西亞人 khah 慢婚家庭 khah sè, tsi̍t-tui lâng kap 別族結婚. 1970左右, 56 pha ê 露西亞人 kap bô͘-kâng 國 ê lâng 結婚, 而且露西亞族 uì tsit區走去蘇聯 ê 其他所在.

然後, 蘇聯散體, 露西亞族人口加速 lak--lo̍h-lâi, 40 pha suá 去露西亞聯邦 koh 40 pha suá kàu Ukraine 其他所在. 1989 kàu 2001, 露西亞族 tī Lviv lak beh 50 pha, 結果 kan-taⁿ 佔 kui-市 8.7 pha.
 
M̄-bat ū kiau Baltic 國家 kâng-khuán ê 對露西亞人 ê "歧視 kap 壓力", Korolyev án-ne kóng, m̄-koh, Ukraine 民族主義者 1990 tī tsit-ê 城市 theh tńg 權力 liáu-āu, 露西亞族一步一步失去 in tī 市政府, 執法單位 kap 教育機構 ê 位,  

地位 kap 人數 ê kàng-kē 反映 tī 露語學校數量 ê kiám-tsió. Tī 1988/89, Lviv 100 間學校 ū 24 間是露語--ê, koh ū 另外七間 kâng-sî 用露語 kiau Ukraine-uē. Tsit-má, kan-ta 五間露語學校 koh tī-leh.
 
Tsit-ê 結果, Korolyev kóng, "過半 ê 露西亞族 gín-á" teh Ukraine-uē 學校讀冊,  lú 來 lú tsē ê 露西亞族宣稱 m̄-nā 露語是 in ê 母語 - uì 1959 年 ê 1.5 pha kàu 2001 年 ê 12.2 pha.

Nā tsit-ê 趨勢繼續, 露國分析家結論, uì 1945 āu 出現 ê 露西亞族社群 ē 面對 tsi̍t-ê 稀微 ê 未來, tsi̍t-ê 可能是 ná 來 ná tsio ê 露西亞族 kā 露語做第一語言, 落尾 ná 來 ná tsio ê lâng 認 ka-kī 是 露西亞族.

Korolyev 點出, kan-na 兩 ê 正面 ê 趨勢, 雖然伊承認 he 是防--ê niā-niā. 露西亞族社群 tǹg teh 組起來 sak kuân  in ê 地位, koh ū in ná 來 ná tsio kap 非露西亞族通婚, 伊點出 in koh beh 保持 in ê 認同 ê ǹg-bāng.   

我要檢舉
台長： 夏途島

您可能對以下文章有興趣

人氣(623) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: Taiwanese |
此分類下一篇:番薯味是 siáⁿ-mi̍h 味?
此分類上一篇:新聞：Ukraine 總理宣誓 beh o̍h kóng Ukraine話

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文