24h購物| | PChome| 登入
2007-02-06 06:12:16| 人氣85| 回應0 | 上一篇 | 下一篇

[死唔斷氣]金石良言

推薦 0 收藏 0 轉貼0 訂閱站台

　你地睇呢度咁耐，都知板主係胸無點墨，核核突突，講野唔老實，份人好笨柒o既人，但係你地到今日依然重睇緊呢個網頁，原因應如下：

1)你地想睇板主點死

2)你地覺得呢條友好可愛(痴Q線！我自己打都起疙瘩)

3)你地想探究一下無文化人仕之說話

4)你地無野做入黎逛下

5)你地以為終有一日板主會醒覺(發夢啦！)













































































　唔好咁快鬧我帶你遊花園遊左成頁先，不過你鬧我又無所謂喎！

　但係，你既然咁捧場，我就係我返大陸之前贈兩句金石良言俾你地：

　「道不同不相為謀，話不投機半句多。」(好廢？我都知！)

　奇怪我點解咁講？因為，身邊啲人講o既野令我覺得我要感化佢地。

　呢個世界有強姦無局賭，唔好講話邊條友得罪你，邊條友係你背後放你暗箭。如果佢咁樣做，而你又繼續在意佢做啲乜，你只能怪自己太笨柒。(我都笨柒過)

　又或者，你認為你無乜朋友，可以求其搵班人去做你啲FD，即使佢係名牌黨，喬裝黨，爛口黨，都無乜所謂的話，對唔住，你對自己人格要求好低。

　抑或當你見到有啲心高氣傲，行路打橫黎行，以為自己痾屎都痾得香過人o既廢柴，唔兜口兜面爆粗鬧佢姨媽祖宗十八代，最後周圍呻，唔好意思，你除了戇居之外，你重好可憐。

　

　人有權決定自己點去做人，你有權做笨柒，你有權做廢柴，你有權做戇居仔，但係你無乜權在見到有班人連仆街都不如後，重視佢地為朋友，跟住，重要扮曬好偉大咁講：「咁佢地都有好o既一面o既。」如果你認為呢個真係事實，我只可以講，你真係蠢過隻豬。

　咁點樣做人先最好？

　其實，做人最好做局外人，做事最好就關人隱士，呢個道理，莊子大佬早就教過。

　或者做人做個正正直直o既人，做事做到止於至善，呢個道理，孔子孟子你老子都教過你。

　如果你覺得兩樣都唔岩你，我有另一個建議：

　你返鄉下耕田吧！

　

　

我要檢舉
台長： 遙

您可能對以下文章有興趣

人氣(85) | 回應(0)| 推薦 (0)| 收藏 (0)| 轉寄
全站分類: 藝術設計(手創、設計、室內空間、裝潢) | 個人分類: 人文，時事評論 |
此分類下一篇:「咗精」害蟲，先除後快
此分類上一篇:內地孕婦來港產子？暴力可解決一切！

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文