抱歉，由於pchome的功能只能上載五張相片，所以我只把文字打出來，全篇文章需要各位稍移玉步，到以下網址，才能觀看全貌：
http://www.xanga.com/adrianlu1026/569233955/369383535219981261593693835352.html
大陸之旅完畢，小弟心繫家國，無穿無爛，總算係不幸中o既大幸。在我眼中，去完旅行寫返當中過程出黎，係要老殘呢啲退左休o既人仕先寫得出，我就無咁多閒情逸致去做寫呢啲野。不過，你地要睇相就隨便，無一張係有我個樣的，等你地繼續對我存有湯告魯斯的幻想。
呢篇entry，文字不多，圖片鬼死咁多，如果你係用read subscribtion黎睇，睇相會睇得好麻煩，所以我建議你直接入黎我呢度睇。當然，你鐘意屎忽痕逐張圖片去按連結一下黎睇，我又無你符o既！最後，雖然我唔會打遊記，但係我都有好多野可以分享下。(呢啲咪叫自打嘴巴？)
1)返大陸暴食暴食，就算食到你個肚返轉，條腸迫爆，價錢依然平到嚇親你。例如，豆腐花三蚊碗，餐蛋麵八蚊碗等。好似同香港差唔多？哈！我都知我舉呢個例子無乜說服力。其實最抵食係酒樓，一個魚香茄子煲十三蚊，一碟五柳蒸蛋十二蚊，香港可能要三十蚊一碟。所以我地每次食到好似曱甴俾殺蟲水噴完後反曬肚咁o既樣，都係每人十幾二十蚊。香港，食碗麵都收廿幾蚊，吹漲。
2)關雲長原來係頭大身細，又有肚腩，對腳重好短的。
3)馬是很純，很可愛的。毛又很硬，肉又很實的，你走過去摸它，它會羞澀地行開。
4)西餐廳內飼養的小狗，神情憂鬱，十分聽話，亦很會演戲。
5)原來包公身光頸靚，件官服黑色混金色，唔似皇帝個件龍袍全套金色咁俗。重有，太后隔黎個個皇后，真係好省鏡的，終於明白點解青春係女人最大的敵人。
6)三十蚊租單車，要押金二百蚊，押金重貴過佢架車。
7)白天鵝同黑天鵝(唔知係咪天鵝)是各有根據地的。證明黑白道，是不可共融的！
8)白鴨的肉是很紮實的，我兩個沒有公德的死黨用石頭輕輕扔在它們身上，它們絲毫感覺也沒有，好像在說：「很舒服啊！扔多幾顆吧！」
9)俾五蚊坐艇仔，係好無聊的。因為唔係自己撐船，而係俾個四五十歲o既女人撐，又唔靚女，都唔知坐係到遊乜鬼船河。
10)大陸餐廳有啲裝修重好過香港，服務員相當殷勤(無事獻殷勤？)，唔似香港個啲服務員，黑口黑臉，唔知以為佢做緊白事。
11)菜田是很有層次，很美麗的，難怪陶潛這麼嚮往田園生活。附近的設施也很有味道，如那水車，極具氣息。
12)順德諺語和香港諺語很相近，都唔知邊個抄邊個。
13)中國古代建築相當宏偉，屋簷中的飾物雕刻細緻，氣勢不凡。若果建築物是近水邊，不論是海還是湖，都有種清秀脫俗的感覺。而木門也別具心裁，在混合了西方玻璃特色後，成了一種古色古香之餘，還頗具現代感的建築。(於順德寶墨園攝影)
14)這是我最渴望見到的，瀑布－微型版。(咁真係好難搵到大瀑布丫嘛！)還有那只有洞口的「磐龍洞」，只供遊客攝影用的。
15)晚上，家中旁邊有幾畝田，所以會聽見蟬聲，與雞鳴聲。(隻雞凌晨兩點就叫，未訓就叫醒，妖！)感覺相當好，有種回歸大自然的感覺。香港聽到雞鳴係幾時？就係你俾錢買雞時，佢俾個變態劊子手斬到一頸血個時o既哀鳴。
16)我屋企看到的景觀，幾好view。
17)水上單車挺好玩的，但係踩到對腳都抽曬筋。而我死黨就選擇划艇，佢就變左健美先生，我就變左黃金寶。
18)黃崗口岸很潔淨，指示清晰，不像羅湖那口岸，又髒又混亂。
19)回港車程真係火都黎！我坐左兩個半鐘車先到邊境，而我忍尿忍左一個半鐘！頂佢個肺！忍到臉青口唇白，差啲中尿毒死！痾尿時，重痾左兩分幾鐘，世界紀錄大全都唔夠我勁！
20)回到香港，才有家的感覺，因為係大陸，好驚俾人打劫同埋扑暈。始終，都係香港好。
21)下期預告：論「draw精」－draw attention 精，呢種人，雖無過犯，但阻住個地球轉......
