我的隨想 來自香港的男生 30歲了，哈哈，斷斷續續地經營這個台都有十數年 現在有時間都會隨心隨想地寫寫東西

106愛的鼓勵 1訂閱站台

自從facebook出現後，隨之而黎既，都係一大堆現象，其中一項就係「讚好」。

「讚好」既原因係因為讚好者對於被讚好者既一d近況產生共嗚，讚好可以有好多方面，例如係相﹑片﹑文字等等，但有時，我唔太明白一d近況點解可以令人讚好。

而家，基本上咩都可以放上facebook講一餐，例如食左個早餐﹑柯左篤屎﹑打左場飛機，甚至失左個戀都可以作為近況。前幾個月，甚至有d仔女響facebook話打左佢老豆老母，姑勿論事件岩唔岩，就打父母一事，係唔係值得擺上facebook炫耀同張揚呢？更可笑既係，佢地既朋友可以讚好。呢個「讚好」係咪可以代表讚好者鼓勵同認同打父母既行為呢？甚至有人可以響喪禮上自拍，講自己幾咁掛住死者。對，呢個行為冇影響到人，但身為一個死者的親人，係咪應該要對於死者給予尊重呢？咁掛住死者，咁係咪應該更要尊重呢？似乎，而家十幾歲既青少年，佢地既價值觀真係改變左。

被讚好者既身份﹑名氣當然都有影響。我話自己今日柯左屎，冇人讚好，仲會被人喪罵；美人柯屎，有成大班人讚好，仲有唔知點解會有留言。「普通人」話今日八號風球唔駛返學，冇人應，仲會被人話戇居；美人講呢句，又有成大班人讚好，仲有和應者，好似美人係天氣小姐或者哥倫布咁，作出溫馨提示同埋發現新大陸。

失戀都作為近況宣佈，係咪博人同情？呢d私人野係咪越少人知越好？睇黎，佢地都只係尋求網絡上既安慰，無論識唔識佢地都好，按「讚好」啦，佢地就會好返哂。

有時，我覺得唔好為讚好而讚好。