我的隨想 來自香港的男生 30歲了，哈哈，斷斷續續地經營這個台都有十數年 現在有時間都會隨心隨想地寫寫東西

106愛的鼓勵 1訂閱站台

友情呢個題目，響新聞台已經講左好一兩次，但呢個題目講極都唔厭，因為每一次講起都有唔同既睇法。

現家對我重要既友情，主要黎講，係響中學到已經開始同相識，認識既話可能都有四十幾人，但可以說得上係稱兄道弟既只有兩個。點樣叫做知己？響我感覺中，響你有唔開心時就會即刻想同佢講，唔怕將你既秘密同佢講，更加響你有困難既時候願意幫你﹑分憂，而你又覺得佢係最了解你既，呢D就可以叫做知己。睇上去好簡單，但要做到既其實好難。

朋友多，其實只係代表兩樣野，第一，你好主動﹑健談，第二，你好受歡迎。

而家有FACEBOOK，有人有二百幾個朋友﹑有人三百幾﹑有人四百幾﹑有人五百幾，甚至有人過千，好受歡迎﹑好健談﹑好主動。每一次見到有過千既朋友既用戶，只有廿幾人對佢既狀態讚好，按比例，其實只係small potato.

當然，FACEBOOK唔係一切，唔可以用佢黎衡量友情，但對我黎講，至少，衡量到。以前我鐘意周圍ADD人做朋友，都係覺得朋友越多越威，但而家，我就連FACEBOOK仲有四十幾人都嫌多了，每當我DEL人，我會問自己︰「我想唔想知道呢條友既近況？我DEL佢，佢會唔會有影響？我同佢熟唔熟，多唔多交談」。

你亦都可以同我講︰「WA~~咁做到你FB上面既朋友咪好Q威？要經你篩選」。絕對唔係咁既意思，但至少，我做到我想做既野，又唔會影響到人，有得罪，講聲唔好意思。

出外靠朋友，對﹗自私一下講句，我DEL既人對我冇咩幫助。

知己難求，但求我而家既知己響將來，都仲係知心好友。