＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

其實都已經冇見過Fred哥一段時間，所以今日咪趁齊人出去見佢一次囉～！！
呢到已經唔似我之前認識咁簡單，人事慢慢咁變得複雜左而令我卻步～！？

佢地都係我一班契氏家族，最初對住佢地每一位都係覺得開心o既～！！
但係日子耐左之後就開始見到好多人性野，所以我都開始唔係經常出席～！！
除左部份大節目係要齊人出現之外，其餘都係跟返晒我自己時間表去決定啦～！！

至於今日就係Fred一套即將出街o既劇集宣傳，而呢日又可以排到期咪去嚕～！！
訓醒之後就差唔多要準備出門口，因為今日要遠征去銅鑼灣到出席活動呀～！！

或者係因為大家好耐冇見啦，所以佢地大家同我都各自有唔少野可以傾下～！！
大家除左有傾下最近生活近況之外，重點就梗係離不開會講下Fred哥近況啦～！！

為左呢個活動就好多人都連Lunch都未食，而我同琪琪就係當中兩個啦～！！
幸好佢地都有人會幫我地買埋野食，免得我地山長水遠出到去都未食野嚕～？！

今日Fred哥好在狀態兼且好開心咁，所以在場o既所有人都因 咁而high晒～！！
雖則今日大家都未有時間同佢近距離接觸，但我地完左活動之後就自己玩下～？！
因為大家突然想模仿返套劇o既宣傳照，所以我地就玩左一輪兼狂影相囉～！！
所以最終我地就自己班人影左輯〝宣傳照〞，玩完之後再傾左一陣就各自散喇～！！