今個月呢一日就到阿仔同我外出，而我今次主題就係同佢去郊遊呀～！！
早前兩次都未開始玩呢樣野，不過呢類活動計劃其實亦有擺o係本年內～！！
大約11:45am左右就先到建生站會合，之後我地就去搭E33P出發喇～！！
第一眼見到阿仔個樣已經感覺到佢好攰，所以頭段時間就先俾佢講下自己野～！！
最近我同佢於工作方面都比較忙，不過佢o既問題就應該比我更加難頂啦～！？
佢同我講及關於佢近日都有留港工作，主因就係公司多位工人都冇返工～！！
加上佢公司近日都有唔少問題要佢解決，所以佢都好煩惱同埋冇咩心機嚕～！！
早前關於呢方面問題都已經傾左一轉，而我亦都好明白佢宜家o既生活好無奈～？！
但我可以做到o既野亦都只係有限度幫忙，同埋就係盡量製造俾快樂俾佢嚕～！！
至於今年各個計劃原意都係想留低快樂回憶，所以各場節目都無需有壓力～！！
除左談及到佢生活之外，我當然都有同佢講講壽最近生活上o既事宜啦～！！
至於下個月o既安排亦已經有晒共識，所以下一轉節目就已經唔成問題嚕～！！
由於我今個月同埋下個月都有活動要就期，所以我都需要事先同佢夾一夾～！！
加上下個月我又要同家族成員去旅行，關於約期方面就更加需要小心處理啦～！！
而且早前已經傾好左由下一個月開始，佢就需要加多一個slot俾我同佢見面～！！
至於我地今日就去左大澳到輕鬆行下，當然宜家我地都已經習慣左要影相啦～？！
而我地今轉就去係東涌到食左個Lunch先，及後先再搭車向目的地進發呀～！！
行程當中就當然咩話題都會傾下啦，同時間我都希望轉個方法同佢去相處～？！
事因大家平日生活同埋工作都已經好苦悶，所以我更希望大家見面係開心囉～！？
而今日天氣就的確唔算太好嚕，但慶幸係我地去到之後都已經冇再落雨喇～！！
去到目的地之後o既佢反而變得有返ｄ精神，加上我地又不停咁講笑同玩呢～！？
再者o黎緊o既時間都係接住同佢去食去玩，事因之後應該仲有Joey演唱會嘛～！？
就住我地感情線方面o既事宜，當然今次都有再次深入咁去一齊傾一傾啦～！！
我就要諗下擇偶條件方面問題啦，至於佢就談及到同佢另一半相處上o既野～！？
同時近日電視劇〝與諜同謀〞亦已經出左街，所以我地都有傾下個劇情呀～！！
至於我地由大澳出返o黎之後，都有因為東涌等車o既人太多而入左機場一轉～？！
事因我地兩個都唔太想企住出返去市區，所以咪寧願搭多幾個站入去轉車囉～！！
今日全個行程都唔算係好趕好辛苦，反而我地咁樣出去行下傾下計都幾舒服～！？
而晚飯時間就計劃左出返去旺角到食泰國野，因為今轉就唔係玩高級餐廳嘛～！！
完左上段行程之後就梗係繼續邊行邊食，完左晚飯先再一齊搭車返屋企囉～！！
文章定位：
