１５／３／２０２５＠＊～Ｅｔｈａｎ’Ｓ　Ｌｉｆｅ～＊

2025-03-16 10:05:30| 人氣170| 回應0 | 上一篇

都真係好耐冇再去過紅館睇演唱會喇，而是次睇既係鄧麗欣演唱會啦。。。

事因早前Raymond話搵到飛去，所以佢就預埋我一齊今晚入場去聽回憶啦~！！

至於佢於之前又講到話未食過壽司郎，所以我日前已經book左位同佢去食~！！

所以我地今日就約左5:00pm出去尖沙咀會合，事關我地要先去壽司郎食野呀～！！

加上今次會面時間都有講及稍後旅行事宜，主要都係同佢講下行程計劃反方面~？！

同埋都會有d野希望佢到時會一齊幫幫手處理，或者有d野會叫佢提前幫手做準備～！？

畢竟我呢邊仲要諗好多細節野同埋度下d野點做，期望大家分工合作會易d完成晒~！！

初步方向同埋預計都已經同佢講好晒，下個月就會正式再約一次一齊見面認識下個團隊~！！

完成左飯局之後就先去THE ONE到行左一陣，畢竟時間都仲係好早兼且又有雨啦。。。

之後就行返過去紅館到預備睇Show同打下卡啦，而我地今次都一樣係屬於好前o既位置～！！

雖然呢個歌手並唔係我自己非常喜歡啦，不過有人請我睇都可以去聽下ｄ回憶同感覺嚕~！！

咁主角唱歌方面都真係比以前叫做進步左啦，不過今晚個嘉賓先至係我比較期待o既人呀。。。

事因Raymond同我講話今晚好大機會係MC張天賦，所以我都真係真心期待會中啦~！！

點知今晚個嘉賓真係比個主角更加正更加好聽，我都係第一次現場聽MC張天賦唱歌咋～！！

無可否認新一代男歌手之中佢真係唱功了得呀，而我都真係非常喜歡佢成個表演啦~！！

今年第一次去紅館，又係今年第一個睇o既演唱會都令我聽返唔少回憶同有感覺o既。。。

希望今年可以繼續留低更多開心o既回憶啦，始終生活同工作都已經好苦悶好辛苦喇~！！

我要檢舉

台長：Ｅｔｈａｎ～

人氣(170) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 200愛的鼓勵 0訂閱站台