２５／１／２０２５＠＊～Ｅｔｈａｎ’Ｓ　Ｌｉｆｅ～＊

2025-01-26 09:41:27| 人氣77| 回應0 | 上一篇

以往我地每年都會擺年初三先會新年聚，而今年因應阿仔要家庭旅行而變陣~！！

於是阿仔早前就好快手同我夾定改為今日，事因佢驚後面D期會比較難夾到呀～？！

我地新年慣例都係一齊食飯傾下計，志在齊人一齊團年見一見面開心玩下啦~！！

至於今日上段就先去左元朗到食飯當團年，及後就我同阿仔去屯門買野同拎野~！！

至於君怡就有佢自己本身安排啦，加上下段時間冠言又要出去灣仔學琴啦~！！

上段圍埋主要都係講下生活事同埋近日D趣事，始終大家圍埋都係笑下咋。。。

而我同阿仔完成晒中段任務之後，就要返去佢屋企接返冠言佢地出去上堂啦~！！

本身下段君怡就計劃左去銅鑼灣到行下花市，不過佢朋友突然話想約佢於是變陣~？！

加上阿仔本身對行花市同應酬佢朋友興趣唔大，加上仲要照顧埋冠言就更加辛苦。。。

於是君怡就同佢朋友去食飯兼行街，而我地一行人就折返屋企兼自行去晚飯算~！！

阿仔話不如我地兩個就去洪水橋到食泰菜，之後先買外賣俾工人姐姐當晚飯呀～！！

而最後部份返到佢屋企就同冠言玩左一陣，亦都有趁我地兩仔爺o既時間傾下野。。。

畢竟今年都有好多計劃想同阿仔去做下，同時一D好人生o既事情都有同佢傾下啦～？！

雖然呢部份話題係比較沉重同認真呀，不過到左我地呢個階段都係需要去諗下同打算~！！

我要檢舉

台長：Ｅｔｈａｎ～

人氣(77) | 回應(0)| 推薦 (0)| 收藏 (0)
全站分類: 心情日記(隨筆、日記、心情手札)

回應(0)

＊～Ｅｔｈａｎ’Ｓ Ｌｉｆｅ～＊ 點滴是生命... 199愛的鼓勵 0訂閱站台