＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

都已經有一段時間冇同佢見面，趁住今日大家都有時間就聚下啦～！！
至於今日陪我出走去九龍o既人就係屈姐，因為我地唔夠時間去太遠～！！

我地各自由屯門及天水圍出去，事因佢今日中午要做完野先可以出去～！！
所以我地就預5:15PM出到佐敦會合，之後就開始慢慢行同搵野食喇～！？

早前得知佢快將離任宜家公司，所以都知道佢對宜定份工應該好不滿～！！
而我同佢走埋首先都係講下大家工作情況，加上最近o既事宜都係較多～！！
聽得出佢真係好唔鍾意宜家工作環境，所以轉工其實都唔係件壞行事囉～！？

由於早前我地曾經約過去郊遊，但遲遲都未能夠夾到時間先拖到今日見面～！！
而今次見面就先去左間甜品店食野，之後就繼續慢慢咁講下生活要事嚕～！！

我地對自己工作都有各自要面對o既問題，而呢樣野亦係成長左唔可以避免～！？
但係我地都會喜歡同對方交流一下，或者咁樣可以令自己有新角度去諗野～？！

及後我地就繼續行落去旺角搵小食，當然邊行都會講下身邊其他人o既事宜～？！
由於近期家族都已經冇咩活動喇，所以大家都冇咩太多特別事情可以去講啦～！！
最多都係關心一下其他人o既近況，而我都有輕輕同佢談及到之後活動計劃嚕～！！
畢竟暫定最快有活動都已經擺到下半年，不過上半年如果有時間都會搞下～！？