自六月份我o既預祝生日飯局之後，我同Phoebe及Jacky都已經好耐冇見喇～！！
其實早前都試過話想約埋食飯，不過幾次都因為種種原因而未能成功啦～！！
至於今日又係佢地兩公婆約左我，同時原定o既提議就話出旺角食放題啦～！！
但最終就因為Phoebe工作o既關係，我地最終就改為屯門晚飯見面兼傾計啦～！！
先後兩次想食放題o既Phoebe都食唔到，所以佢就因為而覺得好唔開心喎～！！
由於我地都已經一段時間冇見面，所以今次見面都有唔少野傾下同夾下啦～！！
首要都係大家講下近排o既生活，另外大家都有就住工作問題而呻過下啦～！！
原定食放題個計劃就已經知道實行唔到，所以佢就提出不如去V City都行下～！！
約左7:30pm去呢到會合之後，我地就o係到行左一排街兼打算搵ｄ野食下啦～！！
不過呢個新場實在真係人大多，最後我地就改為返安定到食晚飯就算喇～！！
事因o係食完個晚飯之後，佢地仲打算叫我上去佢地屋企到食其他野兼俾野我～！！
今次見面除左有提及我地o既野之外，當然其他掛牌人o既近況都有講過下啦～？！
同時我亦於今次會面中得知一個消息，而呢個消息對我都真係覺得好突然嚕～！？
近年身邊唔少朋友陸續開始結婚，但係掛牌上離婚o既都應該係史上第一對呀～！？
大概兩年前睇住佢地開花結果，估唔到兩年後o既時間就正式宣佈要離婚嚕～？！
對於感情或婚姻好多人都有唔同o既見解，或者我最唔相信o既就係愛情啦～！？
至於今次呢對主角就係Tracy同埋Ken兩位，聽到消息之後o既我不禁呆一呆～？！
最慘係佢地宣佈要離婚之餘，近日仲要係阿Ken生日咁先令大家覺得無奈呀～？！
我知道呢單case已經由Phoebe接手處理，至於及後o既進一步問題就要再傾啦～！！
畢竟掛牌上發生咁大件事，我地一眾高層稍後時間都一定會再開始商討下啦～！！
男女主角各自都係我地o既朋友，所以係呢單case上面o既處理真係要好小心呀～！！
雖然我已經從Phoebe及Jacky口中得知部份野，但最終版本始終要由當事人講啦～！！
不過Phoebe就話掛牌位上面就暫時無須郁動，同時佢於稍後就會再通知Kiwi啦～！！
今晚為左呢單野都傾左近大半晚，同時我地三個都就住單case分析左唔少野～！！
至於聽晚將會有另一個飯局出現，事因Phoebe話約左阿Ken晚飯兼幫佢慶生喎～！！
睇住兩個朋友搞到咁o既地步，講真都真係會有唔開心o既感覺同埋會覺得可惜～！！
但係感情同埋相處呢兩樣野，我地外人又真係好難完全明白當事人o既處境既～？！
而o係今晚同Phoebe傾呢件事期間，我地都不其然咁對〝七年〞呢首歌有共鳴～！！
事因當中o既歌詞真係好o岩形容現時局面，加上我上星期亦先同『愛人』唱完～！？
另一方面．．．
今晚見面除左講到呢ｄ認真野之外，我地仲講到年尾計劃一齊去睇演唱會啦～！！
雖然我應該唔只會睇一場Joey咁少，所以現階段應該會計劃同佢地睇多一場嚕～！！
同時我地今晚無啦啦講到睇電影，終於我地都真係一講就隨即起行去睇呀～！！
事因我地今晚講開〝飛虎出征〞呢套戲，大家唔知點解又好心血來潮話想睇～？！
及後我地就連新期都費時再約，於是我地就即刻上網睇到屯門有場就出發喇～！！
至於下月阿仔及Jacky個慶生安排方面，今晚都已經開始著手都夾下要點搞～？！
由於佢地兩個生日前後兩日孖住行，所以我地現積極考慮將兩個生日合併呀～！！
同埋明年一齊自由行旅行呢個計劃，亦都會於今年第四季再次商討並計劃約人～！！
所以未來時間都可能會有唔少聚會或活動，不過都要再次開會傾下至可落實～！！
文章定位：
