今個月o既Monthly Meeting繼續排o係月頭，而且今次亦係會有新安排添啦～！！
由於『愛人』之前都向我許下唔少承諾，所以今轉同上轉都係繼續兌現返ｄ野～！！
上個月就一齊去左睇Eason演唱會，至於今次就於早前決定左去粉嶺唱返轉Ｋ喎～！！
一連兩個月兩次o既活動安排對我而言，其實我一直都覺得係一件不可能o既任務～？！
事因由識佢開始到近年講到想睇演唱會或唱Ｋ，佢都話明佢對呢兩樣野冇興趣嘛～！！
至於點解佢先後兩轉都突然肯改變立場，首先上個月就係因為我生日o既關係啦～！！
再者佢曾經話過Eason開就會考慮去睇，所以我就趁機會把握時機同佢講好數先～！！
至於唱Ｋ呢方面，原因就係因為佢曾經應承過我話會錄一首歌o黎賀我生日丫嘛～！！
前後兩個本以為不可能o既任何相繼完成左，佢之後都會繼續有早前講o既野要還～？！
所以佢近年都已經好醒目唔會亂應承我任何野，事因佢話舊債未清就新債免問喎～！！
至於今日會面時間同上一次差唔多，我地都係夾好左4:00pm左右o係佢樓下會合～？！
不過今次會面同以往咁多次都唔同，原因今次佢並冇任何野而要我浪費時間插佢～！！
但係o係今日活動開始之前，我就先同佢預告下今日o既流程及回顧上個月o既野～？！
由於以往每次都要用三分一時間鬧佢，所以我今次都先向佢聲明希望唔好再係咁～？！
而且我都表明由呢次meeting開始，我希望都開始轉用另外一個新方式去相處啦～！！
不過我發現當我地講到上個月o既事之際，佢o既表現就好似有ｄ古古怪怪咁啦～！！
可能係因為以往呢部份都係係知道會被插，所以o係報返數之時就有ｄ驚驚地喇～？！
其實我只係想叫佢簡單講下佢上個月做左ｄ咩，而且我又冇諗過佢有咩需要鬧～！！
至於o係回顧近日生活事呢部份，佢就話自己呢排做得最多就係訓同埋睇電視～！！
事因呢排的確係成日都落住雨，所以o係佢唔能夠落去跑步o既晚上就轉為睇電視～！！
至於講到電視劇呢部份o既時候，佢都突然變得好關心〝衝上雲霄２〞o既劇情喎～！！
與此同時．．．
我原先諗住預早同佢夾好下次個期，不過佢就表示下月可能要去韓國而未能俾期～？！
事因佢話Marcus即將升職兼叫佢一同出遊，所以佢話個期要等到下月初先會知道～！！
同時我亦因為劇集時間及中秋節問題同佢商議，目的只係希望盡早達成共識～！！
畢竟現階段我已經暫停一至五o既所有約會，再者下個月又有中秋節在內啦～！？
所以我都想趁早同佢夾一夾，再者今次我都有同佢提出未來約期手法o既變動～！！
新o既約期方法決議案，處理方式係每月會由一個期加上另一個Spare期作後備～！？
原因係我唔希望因為萬一遇上時間調動問題，而再次造成上年及今年o既甩期事宜～！！
不過佢就表示需要返去諗清楚先，所以有關決定係暫未正式o係有共識下通過啦～？！
雖則話有關決議案未正式通過，但我地就有初步共識表示有關安排唔會被否決～！！
另一方面．．．
由於今日o既時間安排就同上次差唔多，所以我地就先食下野兼吹左陣水先啦～！！
今日我都有問佢覺唔覺得自己今年有個幾唔同o既改變，而佢最初就表示唔多覺～？！
及後我就同佢講話當中最大改變，就係佢由最初好順得我意變成宜家下下都講數～！！
加上近月o既表現仲變得更加越o黎越有自信，夠膽用唔同o既原因去令我屈服啦～！！
至於佢對有關問題o既解釋，就只係話佢所用到o既種種手法只係一ｄ談判技巧喎～！！
由佢識我到宜家佢都知道如果某樣野我係好喜歡，我就一定會想盡方法得到佢嚕～！！
所以佢從來都唔會質疑我呢方面o既能力，而且佢仲話佢真係好佩服我呢項功力～！！
除左講到我可以做到要乜有乜之外，當中我地曾經一度談及年底Joey個演唱會啦～！！
事因佢o既演唱會飛即將接受預訂，所以我就梗係諗住問下佢有冇計並叫佢陪我去～！！
佢話早前講明聽演唱會quota只得一個，除非我肯犧牲埋下年去主題樂園個quota喎～！！
正正就係因為談及到演唱會事宜，所以佢都好醒目咁拉埋落水叫我搵佢去就得啦～！！
同時佢近月每次都有問到阿仔近況，而我咪將我所知o既事做個撮要兼作個交代～！！
至於感情問題方面基本上次次都會講下，今次會面亦都唔例外有傾到呢方面啦～！！
不過當中o係我仲拗緊還債問題o既時間，佢就講到叫我千其唔好喜歡左Tina喎～！！
因為佢係絕對反對我同呢個朋友行埋，而且佢仲話佢唔會因為我而愛屋及烏喎～！？
當然我都知道呢一切絕對冇可能，不過佢今次好似又變得比以前更有立場喎～！！
由於佢最近都係以訓覺同打機為主打，所以我都係比以前放心左佢o既生活模式～！！
至於有關隻三眼仔分仔方面，其實我都有就住早前佢經常用絕交大我一事問到佢～？！
而佢就表示如果我唔肯俾隻三眼仔佢，佢就話分分鐘合結局會搞到兩敗俱傷喎～！！
因為我早前話左我會俾呢隻野佢，佢就已經當左呢隻野已經係正式屬於佢o架喎～！！
除左我冇預早同佢講到話呢隻野會俾佢，所以我最終都係需要將隻公仔俾佢嚕～！！
及後去到今日節目o既重點唱Ｋ之時，佢o既表現確實係比我預期中好好多呀～！！
事因佢從前話自己唱歌係好難聽兼會勁走音，但總體o黎講其實都未算係好差嚕～！！
不過進步空間當然就梗係仲有好多，但最起碼佢都已經盡左力去滿足我o既要求～！！
因應佢早前要我幫佢搵三眼仔公仔，所以我就梗係趁機問下佢會點樣報答我啦～？！
佢就突然間笑笑口咁對住我講埋堆無聊野，重點係佢陣間就會好歌獻給我喎～！！
唱歌對我而言唔算太有難度，而我就只係揀返一大堆平時都唱開o既歌曲啦～！！
至於佢除左俾到另一面我睇到之外，佢今次揀o既（部份）歌應該係有意思嚕～！？
而全程最令我感到意外o既環節，竟然係佢主動揀左兩隻合唱歌話要同我合唱喎～！！
佢先後揀左〝七年〞同〝十分．愛〞同我合唱，至於當中有咩意義就未知啦～？！
同時佢又唱左〝十指緊扣、友情歲月、爛泥、笑忘書、在你遙遠的附近〞等作品～！！
當中部份o既作品明顯就係有佢o既心聲，而且某幾首仲係佢對我o既所謂誠意啦～！！
不過o係唱完Ｋ離場之後，佢先同我講佢仲有一首〝每一個明天〞係未唱俾我聽～！！
唱左三個幾鐘唱到佢差唔多連聲都冇埋，至於我都仲有聲同佢做埋最後一部份～！！
事因今次埋尾部份係同開始部份有相連關係，話明今轉開始就正式轉新方式喎～！！
開始時間都已經話明今轉冇咩需要鬧，埋尾我亦表示我好欣賞佢近月o既表現啦～！！
難得我再一次開口讚佢近期o既表現，佢隨即就表現得好得戚咁話我唔鬧佢係應該～！！
同佢回想返五月o個次Meeting已經有此計劃，無奈係佢六月個期又無啦啦甩左嚕～！？
所以最後呢部份就同佢講下我想點，同時帶出未來o既相處方式都係時候要變喇～？！
畢竟最近多左好多唔同o既經歷，令到我對人、事及生活o既價值觀起左變化啦～！！
我想帶出作為『愛人』o既佢有權利就有義務，唔想連人帶位被cut就要適當表現～！！
好多位同埋好多眼前o既福利並唔係必然，好多人付出左好大努力都未必可以得到～！！
珍惜時間同埋眼前重要o既人先係重點，而且我地亦要學識同身邊o既人分享愛～！！
雖然o係今日傾左好多新方向之後，佢最終都只係用盡量呢個答案去回應我呀～！！
不過我知道佢應該更知道自己o既位置，而且佢仲承諾今年內都唔會再有甩期情況～！！
加上佢又表示佢會o係餘下時間繼續努力，本年度o既佢仲會重回十大位置咁話嚕～？！
我希望將來同佢會有更多唔同o既經歷同埋回憶，所以我今次先會咁凝重同佢傾～！！
與其每次都要因為種種問題而插佢，不如早ｄ同佢傾掂數而等我地可以步行一致～！！
不過叫佢下個月自動波交期一事，佢就無論如何都要我做主動去提佢要交期囉～！！
佢明顯係胸有成竹知我一定會追期，所以佢就繼續用無賴式o既玩法同我玩野～？！
不過我今次就事先聲明，萬一佢又好似早前咁唔記得覆我野就肯定唔會有好下場～！！
而且我又講到我提出o既多項議案最終都肯定會成事，所以佢都係無謂諗計逃避～！！
趁我仲俾選擇佢揀o既時候就最好盡早揀，否則我一出行政指令呢招咪又係要行～？！
但我真係估唔到個衰仔竟然會懶得戚咁對住我講〝上有政策；下有對策〞喎～！！
畢竟今年時間已經唔係淨返好多，餘下落o黎o既meeting次數亦都有數得計啦～！！
所以今次提出過o既所有提議案，下個月就一定需要有答案並可望於第四季開始～！！
而上次已得悉佢銀包有損耗o既問題，所以我今次亦準備左份禮物要送俾佢啦～！！
雖然份野一交到佢手都已經估到係乜，不過我睇得出佢係覺得開心同埋驚喜o既～？！
經過埋今日呢轉meeting之後，我希望o黎緊o既每次約會都係ｄ開心o既回憶嚕～！！
每一個明天
結伴創將來 多麼的美
你的路 我的途 再也不分己與彼
有浪有風來 不捨不棄
每一明天也贈你
未懂占卜 也不懂命理
卻可先知我們 同步註定了不起
令我不普通 變得堅毅無忌
幕後有一個最大原因 因為你
每望向將來 都找到你
我所夢 我所期 全部喝彩因你起
你是我將來 不捨不棄
我的明天創自你
沒仰天觀星 看星宿日記
無問獅子雙魚 前面有沒有驚喜
一早知 幾多風吹雨飛
活著也很快樂 自尋到你
天佑我的愛人
給他永遠笑聲 並常對他偏愛
天佑我的愛人
有他不再覺得生命無奈 敢愛
未懂占卜 也不懂命理
卻可先知我們 同步註定了不起
若我不普通 變得堅毅無忌
並沒秘方這是純因你
＊天佑我的愛人
這日 明天 一世 把他寵愛
天佑我的愛人
有他不再覺得生命無奈 敢愛 ＊
Repeat ＊
你是我將來 不捨不棄
每一明天愛著你
文章定位：
