＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
尋晚已經同Jacky及Phoebe見完面，今日就再一次約埋會面兼食飯喎～！！
而同尋日唯一唔同o既就係加多一個成員，而佢就係近日生日o既Ken哥喇～！！

至於點解會得Ken哥一個出現咁奇怪，當然就梗係已於尋晚有講過下啦～？！
其實得知呢個原因o既時候，我都真係打左個突兼覺得搞成咁係好可惜o架～！！
無奈呢件事已經成左事實，而今晚亦正式由阿Ken親口同我提到佢離婚一事～！！

兩前年睇住阿Ken同Tracy成就終身大事，當時一眾掛牌仲好替佢地開心添～！！
估唔到．．．第一對跑出o既掛牌人，最後竟然成為第一對分開o既掛牌人呀～！！

早於尋晚已經聽過一個初階版本，而今晚就由主角親身講下佢o既感受啦～！！
作為佢地兩位朋友o既我地，見到佢地搞到咁o既地步的確係令人感到惋惜嚕～！！

至於作為主角o既阿Ken心情及情緒更加唔會好，所以我地都好明白佢o既心情～！！
眼前我地呢班朋友可以做到o既，就只係盡量抽空去陪下佢或者聽佢呻下啦～！！
畢竟o係人生上發生左一件咁o既事，無可奈何生活上都係會出現唔少變化嚕～！？

其實佢地之間o既問題唔係一朝一夕，但經過我地數位圈內人處理完後又係咁～？！
我地好多掛牌一直都知道問題係乜，但作為朋友o既我地始終係希望佢地好～？！

至於男女雙方o既供詞同感受方面，其實Phoebe早前已經都聽過晒兼分析埋啦～！？
最初Phoebe都希望盡力幫佢地和好，無奈女方o既意向同埋做法都好決絕嚕～！！

經過我地三位同阿Ken分析左之後，大家o既其實初步共識都係已經有左啦～！！
就算今日真係有機會再次俾佢地復合到，對未來o黎講到底又係咪一件好事呢～？！

難完阿Ken講完佢o既感受之後，我地作為朋友o既亦只可鼓勵佢努力面對人生～！！
或者呢段時間真係好難受好痛苦，但係時間就係將一個人完全放低o既良方～！！

至於今日除左係俾阿Ken發洩佢o既不快之外，另一重點就係幫佢慶生啦～！！
雖然今年只係得我地三位同場幫佢慶生，但我地好想同佢講佢係有朋友支持嚕～！！