＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
計劃左都有一段 時間o既西貢海鮮餐，我地終於都o係今晚起行去成事喇～！！
但由於今日係賽馬日兼阿仔又返佢公司幫手，所以今次起行時間都比較晏啦～！？

而我同阿仔原定出鑽石山搞去澳門一事，最後因為少許問題以致今日未能成事～！！
所以我就玣於稍後時間自己外出一轉，去搵領隊哥哥幫我搞掂埋呢件事囉～！！

正正因為佢地兩位都有事在身，所以我地今日起行時間就定左o係7:00pm喇～！！
至於我同阿仔當然就早少少o係屯門會合，然後就一齊搭67X出旺角等秘書嚕～！！

今次同阿仔會面既時候，我地都趁機傾左唔少生活上o既野同近日發生左o既事啦～！！
首先我就梗係同佢講下近日掛牌上o既事宜，而且又要同佢夾下稍後時間o既活動～！！

因為呢個月都有比較多o既活動及事宜要做，所以我都要事先同阿仔夾好啦～！！
除左近日同班掛牌o既飯局之外，佢o既重點當然就擺o係我生日及父親節啦～！！
所以當佢話某ｄ性質o既飯局唔想去之時，我最終都唔會特別勉強佢要出席嚕～！！

另一方面．．．
今次會面傾到o既話題方面，佢所帶出o既話題竟然就係同我講到拍拖o既事喎～！！
雖然佢仲未正式有拖拍，但佢現階段就竟然同我講到佢o既心態同日後處理～！！

佢話日後到佢有女朋友之時，佢都唔希望自己女朋友同自己身邊o既朋友太熟～！！
事因佢唔希望因為感情上o既錯失，而最終令到自己愛情同埋友情都輸晒喎～？！
而當我聽到佢同我傾到呢個問題之時，我當然可以明白同埋理解佢o既諗法啦～！？

或者係因為佢身邊有較多呢類問題發生，所以先會令到佢有咁o既諗法啦～！！
但係佢對於我呢方面，我同佢都已經有左共識係關於我日後o既身份同埋角色～！！
所以佢都深明佢係唔會質疑我有關問題，事因佢知道同明白我係個點樣o既人嘛～！！

而o係旺角會合左Raymond之後，我地就齊齊搭小巴入去目的地都搵野食啦～！！
至於中途當然就梗係會吹下水，而且我地又同佢吹下近日o既熱話同埋部份是非～！！

由於近日歐國盃開鑼，而且我身邊都有唔少朋友或同事係會追睇呢ｄ野．．．
所以我對呢方面都叫做要有返ｄ常識，以便我同佢地吹下水都叫做有個話題嘛～！！
同時趁住今日見到佢o既時間，我地就順帶一齊傾下計劃來年去旅行o既事喇～！！

雖然本年度將會同阿仔有個短trip先，但我地都想計劃明年有個長trip嘛～！！
事因有關方面o既計劃都已經講左好多年，但各單位都仍然遲遲未能成事呀～！！

至於今轉飯局中間所談及o既內容，當炙主力就係圍繞住班掛牌搞活動o既事～！！
其實佢地都明白今年我生日o既用意，對於佢地o黎講係比較有利用傾值啦～！！
事因家族上下各成員都知道，我o既號召力係全掛牌當中最勁o既一個呀～！！

所以呢排多左唔少應酬性飯局，主因就係因為Phoebe年底結婚一事啦～！！
而且佢地亦都係比較著緊我生日一事，事因我生日話晒都係年度重頭戲之一～！！
不過今年生日活動安排上就有變，所以我都未正式落實點樣同班掛牌過呀～？！

另外我地亦都傾到關於Eason演唱會一事，不過現階段就好似未有著落住～！！
早段我地三個都傾過好想去睇，所以我地都各自用左唔同o既方法去搵飛啦～！？
但因價錢問題暫時未有辦法解決，所以我地都係未能正式落實有關活動嚕～！！

而o係回程時間方面，我同阿仔就揀左搭299出去沙田再轉263返屯門啦～！！
至於呢部份時間所談及既話題，忽然間就轉為傾下ｄ人生o既事同埋未來喎～！！

其實早o係西貢傾計o既時候，阿仔先後同我地講到朋友o既處理及認識啦～！！
事關佢最近都遇到唔少事情，係涉及到佢同佢ｄ朋友之間有金錢瓜葛啦～！！
而就住相關O既問題，我亦都同佢重申一次要識得睇人同埋保護自己嚕～！！

當人長大後就會陸續出唔同程度o既改變，呢個的確係一個不爭o既事實～！！
而今次除左同佢就住各話題上有唔同o既分析外，同時我都用左家族去做例子～！！
有時候你認為身邊最可以去信o既人，佢好可能就係同你最容易出問題o既人呀～！！

當然就住呢方面問題，我地亦同時帶出另一個關於佢性格及心態上o既問題啦～！！
我地都清楚知道佢o既性格同為人，但係人就真係要學識唔同場合o既變臉程度～！！
太老實同埋唔識保護自己．．．呢個既係佢o既優點，同時亦係佢一大致命傷～！！
而且互信同互愛o既呢個關係同程度，呢個的確係需要經過時間去考驗嚕～！！