＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

臨近下半年o既時間，呢期忽然多左同班掛牌成員有聚會啦～！！
至於近日見得比較密o既人，分別就係屈姐同埋Phoebe兩個喎～！！

雖然早前都有同過大妹及屈姐吹下水，不過飯局就真係較少o既～！！
至於Phoebe當然就已於早前，同佢有過一次簡單會面兼傾下近日o既事～！！

而今晚呢轉飯局o既安排，當然就係我地三個約好再加埋Jacky一齊食啦～！！
其實我地原定計劃只係三人行，不過後尾我地就將個版本變成宜家呢個啦～！！
事因我地都唔係太想去唱Ｋ，所以最終咪轉戰Phoebe新屋到食野兼玩下嚕～！！

今次圍埋當然就係笑料百出，不過話題方面就主要圍住Phoebe結婚一事～！！
而我地被安排上去佢地屋企o既時間，咁當然就係要諗好有咩game可以玩啦～？！

最終我地o係飯前就先打左一輪機，及後就叫左外賣返o黎一齊開餐啦～！！
我地一係唔見；一係就接住咁安排見面，事關佢地又話想於下周約食飯喎～！！

至於o係飯後時間，我地就係圍埋一齊玩左一輪game同埋一轉飛行棋啦～！！
其實呢種簡簡單單圍埋玩下同吹下水，正正就係我想要既朋友間o既聚會嚕～！！

至於今次玩o同埋食飯既時候，中間談及o既話題方面都有圍繞下班掛牌啦～！！
是是非非可能o係每次o既gathering中都聽到唔少，不過今次就真係比較少喇～！！
可能係人o既心態唔同左卦，所以佢地大家都比從前更知道要點樣去相處～！！

至於o係我地玩完一輪game準備散之前，Phoebe又提議話去食埋個糖水先散啦～！！
所以我地最後又去左市中心一轉，呢轉主要就談及下我將至o既生日安排啦～！？

事因下月就係我o既生日，而且亦o係家族上每年o既一個重頭戲之一啦～！！
所以我今個月開始就要做好計劃，同時又要度好晒ｄ期陸續去接唔同飯局嚕～！！