＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
因應阿仔較早之前幫我買左部車，而佢今晚又先可以抽到時間出去拎喎．．．
所以佢同我今晚又一次有個短聚，事因我地都有野要交俾返對方嘛～！！

今晚再一次相約左去兆康站等，及後我地又係去左Ｍ記到食ｄ野傾下計啦～！！
是次會面除左係因為佢要俾返部車我之外，當然我地都要計劃下月尾o既事喇～！！

因為我今年o既生日活動同往年有所不同，事關我地兩仔爺會去澳門兩天遊～！！
所以現階段就要夾定好ｄ野同埋傾下個方向，以便我地稍後時間唔使咁亂嘛～！！

另一方面．．．今晚突然收到Raymond來電話想約埋去睇Eason個演唱會啦～！！
雖然現階段都未係可以落實相關計劃，不過我都叫做同阿仔傾過呢件事啦～！！
因為買飛方面點都要預返個人數，不過我相信阿仔多數都會答應同埋一齊去嚕～！！

至於呢個星期尾o既時間，我地就要開始著手去搞澳門遊o既事宜兼有個飯局～！！
因為我地三個又約定左本周六當晚，一齊入去西貢到食返個海鮮大餐呀～！！
而且好多計劃陸續會o係下半年時間落實，所以今晚會面亦都有所提及到啦～！！

正正就係因為本年度生日同往年唔同，所以今年就打算打散人出現唔同飯局～！！
同時就住呢方面o既問題，我近期就已經開始收到身邊唔少朋友o既查問喇～！！
事因每年我o既生日往往都係最大牌場，而且亦係年度裡面最齊人o既一日呀～！！

另外今轉見面時間當中，我亦都有同佢傾過下自己最近心情方面o既事啦～！！
雖然我宜家好似好多野都已經擁有，但我最近竟然覺得自己根本就唔開心嚕～？！
一切都係因為旅行當中o既經歷同感受，再加上返港之後o既事宜令我有所反思～！！

隨住我年度o既生日將至，好多人都問及『愛人』將會有咩表示及計劃啦．．．
不過去到現階段為止，佢都未有任何計劃正式同我傾過或者講過佢有咩打算～？！
而且我同佢近日又連番出現問題，所以我都已經冇特別去諗呢方面o既事喇～！！

因為我地計劃去睇Eason演唱會一事，我都有同佢講到兼叫佢陪我去啦～！！
但我同佢初段始終未能達成共識，直到佢開始知道我想發爛先叫做肯去讓步～！？

反覆多次都係為左共識上o既問題嘈完又嘈，我自己都已經覺得好煩好厭喇～！！
次次向我提出唔同條件o既係佢，但係到我要佢去做o既時候又要同我討價還價～？！
所以我今次都表明唔會同佢晒時間拉鋸，總之當初個協議係點就照返計劃咁做～！！

一次又一次o既考驗都過唔到，而且一次又一次o既機會亦唔好好珍惜同把握．．．
如果我到時真係決定要放棄o既話，我相信我身邊o既人都絕對會支持我嚕～！！