＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

自近日再度去完旅行之後，返o黎香港之後o既我真係有ｄ唔同～！！
所以我就趁呢期時間多左同Phoebe傾計，而且又問下佢從前o既工作啦～！！

事因呢次去旅行之時，我（地）同領隊哥哥不經意咁就熟左啦．．．
所以我咪多左野去同Phoebe分享同傾下，而佢又同我分享下從前o既經歷啦～！！

今晚約左9:30pm左右去紅橋等，不過我地會合左後就轉戰去新墟Ｍ記嚕～！！
雖然今晚傾計o既時間唔算係好長，不過我地都竟然傾左唔少話題喎～！！

當中除左講到佢從前做領隊o既日子之外，另一重點就梗係講下佢結婚啦～！！
事關佢本年年尾就會正式拉埋天窗，所以呢段時間都係比較忙碌呀～！！
話晒係佢自己o既人生大事，所以好多野都要靠自己親身去做去跟嚕～！！

而透過結婚呢個話題方面，我地同時帶出埋兩個人相處呢個話題啦～！！
近日好多唔同o既是是非非o係家族出現，且多數都係同某幾個女子有關啦～！！
因為呢幾年都係佢地相繼計劃結婚o既時間，所以我地咪特別多野聽到嚕～！！

兩個人之間o既相處有難有唔難，好多時都係視乎雙方o既心態同埋信任度～？！
不過講到呢方面o既時候，好多被問及o既人都會答一句〝冷暖自知〞喎～！！

至於就住我去旅行一事方面，我地就重提返我地圈內曾經o既承諾嚕～！！
因為我地曾經計劃多次一齊去旅行，但至今都未有一次可以正式成到事囉～！！
有見及此．．．佢就話計劃o係佢結婚之後，我地就約埋一齊去一次旅行喎～！！

隨住身邊各位陸續開始成家立室，我地將會更難好似以前咁常見或圍埋玩喇～！！
所以好多大o既計劃都必須要o係近兩三年內，盡量搵多ｄ機會去完成嚕～！！

細味返好多從前o既日子，大家都覺得以前既我地會更珍惜相聚o既時間呀～！！
畢竟佢都係成日要飛，所以佢可以同我地或佢家人聚o既時間根本就唔多嘛～！！

不過隨住我地各位成員o既成長，大家宜家好多時都因為工作而忙碌啦．．．
無疑呢個亦都係令我地聚少離多o既原因，不過我地都依然希望友誼可長存嚕～！！

式者．．．人就係咁奇怪，往往o係自己身邊o既永遠唔多識去珍惜囉～！！
到呢ｄ人同事都去到一個冇得返轉頭o既時候，人先至識開始覺得後悔嚕～！！