＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

呢段時間真係同班掛牌成員多左會面，因為今晚我地又再有飯局呀～！！
是次會面o既人同上次o既一樣，都係原班人馬o既四個人圍埋食放題呀～！！

不過今次約食飯o既地方就不再屯門，而係改左出去新蒲崗到食野～！！
至於o係我放工之後，首先就返家換過套衫後就會合Phoebe再一齊搭61X嚕～！！

事因我地今次去o既地點搭佢較近，所以我咪有呢個唔使點行路o既計劃嚕～！！
但係o係我同Phoebe會合左之後，我先知道佢同Jacky原來又有ｄ小磨擦喎～？！

事關佢話Jacky今晚約左朋友上新屋裝傢俬，而正正就係呢樣野而出左問題嚕～？！
及後我就同Phoebe都傾過有關事宜，但最後佢咪又係俾Jacky出席今晚個活動～！！
所以我地最後就要o係鑽石山到等埋Jacky，之後先可以步行過去新蒲崗喇～！！

我地好無奈咁行左一大段路之後，終於都到左目的地會合屈姐一齊食野～！！
至於今晚所談及到o既話題，主要又係圍繞住我地身邊近日發生o既事宜啦～！！

因為近年身邊呢班掛牌都陸續結婚，所以呢ｄ類似o既場合就要不斷出席～！！
但同時亦都因為呢ｄ問題，往往就引起班女仔去自行作出堆無謂o既比較嚕～！？

另一方面．．．今個飯局都未完，我地又要準備約定下次一齊玩o既日子喇～！！
不過正正因為我本年生日將至，所以有好多飯局都應該會相繼出現啦～！！
而且佢地又問及我正日有咩計劃，而Phoebe仲話佢當日可能會o黎澳門搵我添～？！

每一次圍埋吹水o既時間，往往都會記返起唔少以前一齊成長o既事情啦～！！
今次令我地回憶返唔少從前YTT讀書o既片段，一傾開就真係笑到收唔到聲呀～！！
突然回望返我地自己o既過去，大家都不禁慨嘆人生有好多野原來都係注定嚕～！！
如果我地唔係因為入左YTT讀書，可能今日o既我地都唔會成為到好朋友嚕～！！