＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今晚有個全新組合 約左個飯局，而呢轉都係我地o既第一次啦～！！
我今次就約埋Mandy，Okan同埋阿珊一齊出左去市中心到食晚飯喎～！！

至於呢個飯局o既出現，主因咪就係因為我升左職要請佢地食野囉～！！
雖然上次已經試過一齊出去唱Ｋ，不過今轉就換做圍埋食飯同埋吹水啦～！！

今轉o既感覺同上次好唔同，事因今次就只係得我地四個人圍埋嘛．．．
所以要傾咩話題都比較容易吹到，而且我地圍埋又真係起左一個化學作用～！！

其實我平日同Mandy及Okan已經較多相處，所以傾到計同玩得下就唔出奇啦～！！
而同阿珊就只係之前叫做食過飯同唱過Ｋ啦，真正咁樣吹水就真係第一次嚕～！！

四個人圍埋主力就係先講下公司野，不過今晚呢次飯局就真係笑料百出囉．．．
因為我地由食晚飯開始笑到食糖水，但係我地竟然完全唔覺得有累o既感覺喎～！！
起初我地仲為時間過得好快，係咪我地唔經唔覺已經傾到成11:00pm呢～？！

點知後尾一睇鐘之下，原來我地都只係keep住咁笑左大約兩個鐘左右囉～！！
雖然當時o既時間都仲算係好早，不過我地都想趕返屋企睇〝On Call 36小時〞嘛～！！

至於今轉有咁多笑位爆出，全因為我地四個搞笑功力都唔算係差啦．．．
特別係Okan今晚好落力咁玩野同搞gag啦，所以今晚都要用多ｄ腦去應付佢呀～！！
同時阿珊又好識o係話題之間抽水同入位，最終咪更加令到個氣氛爆笑嚕～！！

佢地吹水吹到咩都講o既情況下，竟然仲講到佢地身邊某堆同事o既野啦．．．
而阿珊仲話我地四個圍埋並唔係要搞小圈子，而係變左一個『搞笑圈子』囉～！！