＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
一放假就有好多野要排住去做，至於今日下午當然就係要出去葵芳買車啦．．．
不過o係我早已經做好今日o既安排之時，估唔到『愛人』又突然約我見面喎～！！

正因為佢約左我見面o既關係，所以我一買完車之後就隨即入左去粉嶺喇～！！
自月頭同佢有過會面之後，我同佢都已經好一段時間冇見面或詳談過ｄ咩喇～！！
除左平日間唔中叫做有whatsapp傾下計之外，我地都真係好耐冇咁樣去聚～！！

自佢轉走後都已經好耐冇踏足過呢到，今日去返又搵返一種好熟悉o既感覺呀～！！
曾經日日都見面同傾計o既日子，同時又諗返曾經經常出現o係呢到o既自己～！！
呢ｄ那些年曾經有過o既日子，今日竟然就同佢做返以前曾經做過o既事囉～！！

以前假期會經常約埋一齊食下午茶，今日就再一次應佢約去做返呢樣野嚕～！！
當然同佢見得面就先講下最近公司堆問題，一講開就真係講到我地都唔識收呀～！！
雖然話佢轉走左唔夠半年，不過呢段時間裡面都的確係發生左好多事情呀～！！

公司方面o既是是非非全部同佢講過晒，同時我地都好懷念曾經拍擋o既日子～！！
無奈升左冇耐o既我真係要面對唔少問題，所以我都有唔少怨氣要同佢呻下嚕～！！

至於同佢講完左公事部份之後，我地就轉為講下身邊班舊同事o既事宜啦～！！
因為自三子先後離場之後，公司就玩大洗牌換過晒批新血兼得出一個新局面～！！
仍然留底o既舊同事就面臨唔少問題，特別係Tina之前景問題就更令人憂心～！！

另一方面．．．
除左講到晒身邊o既人同埋事之外，當然唔少得就梗係講下我地之間o既事啦～！！
事因早前佢就同我講話佢已戒煙成功，所以佢就想藉此去抵償早前欠我o既債～！？
正因為呢個問題已經拖左近一年都仲未解決，所以今轉就需要抽時間去傾埋嚕～！！

無可否認佢戒埋煙之後就真係接近perfect呀，不過我始終都仲要觀察多一排先～！！
話晒我之前又鬧又哄都起唔到作用，但佢突然肯咁去轉變都真係令我覺得奇怪～？！
一直以o黎．．．我都好想選擇去相信佢，無奈佢過往o既紀錄實在係太花喇～！！

我記得我曾經同佢講過一番說話，如果佢真係肯戒埋煙o既話就真係接近完美～！！
而隨住佢同我講到連呢樣野都冇埋之後，我對佢o既定位的確係再提高左一級囉～！！
至於我想同要佢改o既絕大部份問題雖然都全部達標，不過新問題就開始洐生喇～！！

就住一連串o既問題，我今日已經再一次強調叫佢唔好再犯下有關錯誤喇～！！
事關我都好清楚佢個性當某堆問題消失之後，另一堆問題就會自動產生出o黎嚕～！！
連帶佢還債o既問題今轉要一併傾埋，最終我就俾左幾個方案佢去作出選擇啦～！！

我就先後提出左三個唔同o既方案俾佢選擇，但佢最終三個都係唔肯接受囉．．．
不過我已經作出最後一次強調，如果佢最終三個都唔揀就會失去其選擇權嚕～！！
同時我亦都藉機向佢暗示過，如果佢係識做o既話就早早已經拎左唔少分數喇～！！

機會已經先後俾完一次又一次，可惜o既係佢自己唔把握同埋唔係好了解我囉～！！
雖然我都知道呢三個方案佢點都係唔會揀，但最終佢都會選擇同我玩妥協囉～！！

而o係今日臨散之前我就問左佢一個問題，點解佢今日無啦啦會突然想約我．．．
佢就話佢其實每日都會掛住我，只係咁o岩今日特別掛住所以就約我見面喎～！！
雖然我都預左佢係會咁樣答我，所以我早就預備好點樣抽稱佢近日所為嚕～！！

而我就回佢話．．．呢堆機械式倒模o既對白，佢都已經講左一年都仲唔變～？！
但佢就竟然回應我話呢ｄ係事實，佢從來唔會將ｄ唔係真o既說話講出口o架喎～！！

三岔口

如果必須要活著
能否得到你共行
話未道盡　就要放手
在半路中　一聲不響

＊如今假想你活著
　才可偷生繼續行
　造物玩弄　幾番交錯
　人潮內能偶遇　但卻看不真

　如果這一切是個岔口
　何解只得我獨個守候
　情狂意亂　重尋這一個是你嘛
　人為何沒答話

　如果找真相令我放手
　求不必轉告讓我荒謬
　情無折舊　仍然想思憶中佔有
　即使呼吸　再沒有＊

Repeat ＊

情無折舊　仍然想思憶中佔有
即使呼吸　再沒有