＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
今日原定係唔會有任何約要外出，不過到左大約5:00pm左右就收到佢來電～！！
同『愛人』已經隔左成五日冇講過任何野，事因就係同上個星期o既事有關嚕～！！

雖然話佢已經將絕大部份問題都改善，不過舊有o既問題就陸續再度出現喎～！！
而呢一連串o既問題相繼出現，正正就係因為佢調左返去PYH之後就再o黎嚕～！！

上星期同阿妹見面傾到同佢相關o既問題冇耐，呢堆問題隨即就開始出現囉～！！
佢上個月出街個數已經回復當年水平，所以我都已經主動同佢暗示有關事宜～！！
同時為左追返佢之前欠落條相數，我地就竟然差ｄ為左呢個問題出現衝突嚕～！！

我明示暗示都已經先後做過晒，而且上次同佢見面o既時候亦都已經開埋聲．．．
但係我就覺得佢仲未發覺問題o既存在，而且亦都好似冇咩心想去解決咁呀～！！
最終我就提出三個方案迫佢揀是但一個，而我從佢o既反應當中亦睇到ｄ野嚕～！！

既然當初咁努力去爭取呢個特別身份，且今時今日又唔想因為呢堆問題而失去．．．
咁樣佢就一定要俾到表現同埋信心我，另外佢都要俾我見到佢係有誠意去解決～！！

至於今次會面當然又俾我估中ｄ野，佢今次過o黎屯門當然係有一連串目的囉～！！
每次我都唔希望自己估中佢想點，但無奈又真係每次都俾我估中佢o既心態嚕～！！
到底．．．係我太過了解呢個人，定還是係呢個人根本就唔係好了解我呢～？！

佢打o黎話就話係約我出去食飯見面，但係佢就梗係要一ｄ野跟住要去做囉．．．
而我就覺得自己根本就係搭單式出現，而呢個問題同佢嘈過亦都已經唔止一次～！！

今轉又俾我睇死佢除左係為左交數之外，剪頭髮亦都其實只係一個附帶理由～！！
而最後o既一個重點當然就係佢同Marcus有野搞，而今次竟然就係要北上睇波囉～！！

至於o係我同佢未正式傾佢o既問題之前，首先就係同平時一樣照舊講下公司野～！！
事因我每次見親佢都會有好多料爆俾佢知，而且我亦藉機同佢暗示下ｄ野啦～！！

藉住關於人事o既問題去帶出我想講o既野，目的就係要佢知道我揀人o既心態～！！
事因佢地全部人都認同我睇人同睇事好準，當然佢就更加要認同我呢方面添啦～！！
話晒我當初揀佢上牌都係因為我欣賞佢，所以佢及後先有一連串o既野得到喎～！！

另一方面．．．
今轉見面除左要追數同傾共識之外，另一重點就係關於佢下月o既生日事宜啦～！！
畢竟生日每年只係得一次，所以我都想預早同佢傾好之後就去做相關安排嘛～！！
不過佢o既回應就係話一切從簡就可以，而佢對我o既生日亦係會用同一手法喎～！？

而且佢近期又話佢有朋友將要結婚，再者人地仲搵左佢去做兄弟兼有野要負責～！！
加上佢呢個月又成日都要加班兼搞埋部電腦，所以佢相對空閒o既時間就較少喎～！！

既然呢個問題未能傾好方向，我亦都唔想同佢再浪費時間同力氣深究落去喇～！！
但及後將話題轉為傾返上周o既事同埋追數之時，我地就開始又有野要拗數喇～！！

佢都知道我地已經五日冇講過野，而佢就竟然話我知佢傷左都冇關心下佢喎．．．
我自問自己應該同可以做o既野都已經做左，再者佢上轉又講錯野令我不快呢～！！
而當我同佢講及有關佢上轉態度事宜之時，佢就話當時講o既只係晦氣說話喎～！！

因為佢知道有關o既反應係會影響到及後o既事，所以佢最終都係要同我解話囉～！！
事因上次未能就還相問題傾出共識，所以我地今次就將其問題一併解決埋嚕～！！

佢為左要解決眼前呢個問題，最終佢就同我開出一個大家都可以接受o既方法～！！
佢就話．．．佢肯以三個無條件quota去陪我做三樣我想做o既野去代替筆數啦～！！
而趁住呢家我仲可以食住佢上o既情況下，我就梗係唔會咁易就俾佢過到骨啦～！！

經過一輪有關誠意同數量o既討論之後，佢最終就只好將次數提升至四次囉～！！
不過佢又懶醒咁以為自己好了解我，話已經預左我會將呢四個quota點樣安排喇～！！
經此一役之後．．．我就更加可以肯定佢根本就唔係好了解我到底諗緊咩囉～！！

同時為左呢個問題o既共識方面，我就強調我最睇o既根本就只係佢o既誠意囉．．．
而佢就話佢肯為左我俾出四個quota呢個做法，係已經好就得我同埋未有人試過～！！
再者佢又話佢都真係肯為左我o既說話，而去改左一大堆相關o既問題以求達標～！！

另外今晚同時有講到禮物o既問題，事因早前我俾過位佢入o既機會都全數流失～！！
但我先後送俾佢o既三部巴士模型，估唔到就引發出另一個幾好笑o既笑話囉～？！
事因佢阿妹竟然以為佢有禮物收，係因為佢已經有個住廣源o既拍拖對象呀～！！

同時佢今次亦話左俾我聽，呢三部車亦都已經正式過左去花都間屋到長住喇．．．
而呢個新o既決定，竟然就係由佢媽咪同佢傾過後都認為應該將其擺o係花都嚕～！！
呢批車最終會擺過去花都間屋o既事，其實我地早前都已經傾好左係個共識喇～！！
只不過我地兩個都估唔到，竟然連佢媽咪都認同批車擺花都係比較合襯囉～！！

飯局經過一輪鬥氣同拗數之下完結，但係我同時亦向佢發出最後一次警告啦～！！
我強調我唔希望真係要用到做數呢招去造佢，同時希望佢自己記得自己o既責任～！！
畢竟先後都已經俾過唔少次提示同埋機會，且新人同舊人o既玩法的確係會唔同～！！

而經過今晚我同佢咁多o既對話之後，佢都認定我真係好了解佢個人同埋細心囉～！！
因為佢都認同我對佢o既了解全因為我o既觀察力同埋上心，所以佢先俾我睇穿晒～！！

至於佢最叻o既賣口乖呢招，我都已經叫佢唔好再對住我去講ｄ倒模式對白啦～！！
上年我肯受呢招都係因為新鮮同好玩，不過今時今日呢招就已經唔再收效o架喇～！！
希望佢真係認真去諗清楚自己o既定位，同埋日後繼續有好o既表現俾我睇到啦～！！