＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
一連數日o既農曆新年假期已經尾聲，而且今日又係初三不宜出去拜年啦．．．
所以我同阿仔就揀今日一聚當拜年，所以我地下午就揀左出去睇賀歲片唷～！！

每年我地都會是但一日當團年，而且個仔亦都要以新形象o黎同我拜年啦．．．
今年我地揀左初三去睇戲，而阿仔亦於早前已經為左今次呢個活動做好準備嚕～！！
事因每年呢ｄ時間要去睇戲，往往要排隊買飛都絕對係一件麻煩事丫嘛～！！

因為阿仔早前已經買定飛，所以我地大約2:15pm左右去到戲院會合就可以喇～！！
至於我地今次就揀左睇〝喜上加喜2012〞，揀佢o既主因就係我地都想笑住過年～！！

至於套片就的確冇令我地失望，因為全套片當中都有唔少笑位同埋爛gag呀．．．
雖然今次同阿仔見面o既時間唔係長，不過我地始終都想承接往年o既習慣嘛～！！

而o係睇完套戲之後o既時間，我地就去左Ｍ記到食下野兼去馬會買下六合彩啦．．．
再者我地亦都有趁住呢次聚頭機會，同佢講下及後o既安排同近日o既事宜啦～！！
事因我早前同大妹有見過面，所以我咪趁住機會將呢件事同佢講過下囉～！！

另一方面．．．
隨住新o既一年開始，好多唔同o既計劃同埋掛牌上o既調動又好快出現啦～！！
上一年就殺出一個好強o既新掛牌成員，不過今年o既佢心態肯定就有所唔同啦～！？
雖然每年都或者會有新人出現，但近年度又的確未必個個都可以成功出牌呢～！？

而o係面對呢ｄ新人出現o既心態下，我反而覺得佢應該會識得更成熟去面對嚕～！？
縱然上年出現左一個咁強勁o既對手情況下，佢都仍然可以繼續做出好成績嘛～！！
所以我更相信二人間o既感情，係必須要經歷下一ｄ考驗同風浪先夠穩陣囉～！！

因為好多人頭一年o既時候，往往都會好有衝勁同熱誠去爭取同表現自己啦．．．
但係可以繼續一直用心咁行落去o既人，的的確確又係一件唔容易o既事呀～！！

至於今日o既約會，阿仔就以近期先幫佢搞掂左冇耐o既全新形象o黎見我啦．．．
果然經過我同佢執過之後，佢身邊o既所有人都有唔少正面o既評價同觀感嚕～！！

隨住新曆新年同農曆新年都先後過去，新一年o既各項計劃就隨即要開始喇．．．
一個簡單o既聚會好快就完成，o係我最後俾埋利是個仔之後就要正式散去嚕～！！