＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
雖然日前已經同阿仔見過面，而今次見佢其實亦只係一個短聚啦．．．
事關我今日要出去葵芳到拎車，所以咪叫埋阿仔陪我一齊出去幫手拎囉～！！

至於今日見面傾o既話題就唔太多，提及o既主要亦都係以呢兩日o既事情．．．
話晒我短短呢兩日都發生左好幾件事，所以咪同佢傾下兼埋聽下佢o既意見嚕～！！

我已經將我日前去唱Ｋ及尋日同『愛人』有過會面o既事，同阿仔講過下啦．．．
再者我日前亦都有一個問題問過佢，希望佢可以由佢o既角度去幫我諗一諗～？！

其實唱Ｋ一事就係開心事，而且我又再一次成功地打入一個新o既圈子啦．．．
先後試過打入唔同人o既圈子但都好成功，我諗呢樣野係我為自己而感到快樂～！！
或者我已經真係唔同左啦，宜家已經冇再好似以前咁怕去接觸陌生人喇～！！

另一方面．．．
就住『愛人』o既事早前已經傾左下，而我今日亦加埋尋日o既事講俾佢知啦～？！
阿仔就覺得『愛人』近日o既表現，好可能係佢已經有ｄ危機意識而去做返ｄ野～？！
又或者佢都知道我性格到底係點，所以佢點都要做返ｄ野去說服我去相信佢啦～？！

自我地分開左一個月以o黎，佢尋日o既表現可以話係近月最好表現o既一次呀．．．
其實我自己都唔係好肯定佢突然咁做，到底係為做而做定係真係出自真心去做～？！

因為尋日同佢見面o既過程當中，佢都係一如以往好識利用把口去哄我開心．．．
不過今日o既我已經唔再係以前o既我，用返同樣o既招數未必會再對我奏效嚕～！！
事因我係真係希望佢係出自個心，否則呢一切都只係一個短暫快樂o既假象～？！
係咪真係可以繼續行落去，我諗都要再花一段時間去睇清楚佢之後o既表現喇～！！

至於阿仔就引用左部份事宜，去試圖同我分析及俾下ｄ佢o既睇法我啦．．．
我地都絕對理解兩個人分開之後，可以起到既變化真係可以好大同好難預計囉～？！
如果彼此間係真正有心維繫落去o既話，或者有ｄ野就在所難免係需要犧牲嚕～！！

阿仔講左好幾個例子兼加埋佢對我o既了解之後，佢就俾左一個總結我啦．．．
如果情況係自己可以有辦法去改變o既話，我地就盡量唔好太相信命運喎～！！
因為件事如果係我地所能補救或改變，我地就應該盡力去令結局變得正面嚕～！！