＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
同一日之內就見晒兩個重要人物，當然佢地係分開左兩場去同我會面啦．．．
而首場o既人就係原本計劃左返粉嶺，但今日就改為屯門見o既『愛人』啦～！！

佢咁好死出現o係屯門o既原因，當然就梗係唔止為左要同我見面咁簡單啦～！！
事因佢見今次見我係要傾埋我考升職試o既事外，另一主因就係我有野要俾佢啦～！！

因為早前已經應承左佢會送聖誕禮物俾佢，但份禮又趕唔切出咪拖到今日囉～！！
至於我上年應承過佢o既所有野，我亦都o係今日全數同佢一一兌現晒喇～！！

而佢今日咁乖肯過o黎屯門o既原因，當然就梗係唔虐係因為我咁簡單啦．．．
事因除左呢次約好o既會面之外，佢另一個目的就係要去寶田同Marcus睇波呀～！！

而今日就大約3:00pm左右約好去Ｍ記等，及後我地就選擇左去飲下午茶啦．．．
其實今次個計劃原本唔係打算咁簡單，所以我地就變左主力只談公事就算喇～！！
由於我下星期就要去考升職試，所以我就梗係要問定佢地ｄ有經驗人士先啦～！？

而到我地傾好晒相關o既公事之後，原本打算要同佢o既私事就俾我抽起左冇講．．．
同時我亦趁呢個時間就將份禮物俾埋佢，咁我就叫做完成晒對佢o既所有承諾嚕～！！

至於o係夜晚時間就見另一位主打，我就揀左同阿仔落去黃金海岸到食晚飯啦．．．
事因我地都覺得市中心已經冇咩好食，所以我地先決定轉個新地方去下啦～！！

今轉就大約8:00pm左右去到佢樓下會合佢，及後就當然開始同佢傾下ｄ野啦．．．
首先傾下o既當然就係家族上o既事，事因佢地話計劃下周時間會搞唱Ｋ活動嘛～！！
雖然呢個活動早前已經出左次Memo約人，不過最終都係因為冇人理而流局嚕～！！

至於o係晚飯o既時間方面，我當然就同佢傾下有關佢o係形象上改變o既問題～！！
因為我幫佢執形象都轉左至於六次，而每次o既感覺同迴響都係非常好同正面啦～！！
所以我今年就更加想佢以呢方面做主要方向，同埋想佢擺脫以往已有o既問題～！！

佢同我都深明一個道理，如果佢再唔及早去改變一下形象就會好大件事囉．．．
事因身邊o既各位都覺得佢以往形象較似中坑，所以我就更加要佢試下去變囉～！！

至於我自己對上一次形象轉變之後，我都覺得自己係有較明顯o既突破啦．．．
不過我反而對自己就唔係太有信心喎，可能係因為我都未見過自己咁突出卦～？！

一試自己從未試過o既感覺同形象，我地兩仔爺都覺得自己真係潮左好多啦．．．
不過呢個全新o既嘗試，好可能就係我地兩仔爺下年轉新感覺o既全新方向唷～！！

同時今次除左同阿仔食飯之外，佢o係臨走之前亦都送左一份手信俾我啦．．．
事關佢早前去左台灣做交流，所以佢就特意買左一份好有意思o既禮物俾我嚕～！！

自上年『愛人』出現之後，我真係覺得個仔成長左同埋有心思左唔少呀．．．
因為呢次佢俾我既禮物令我感動o既主因，完全係因為份禮背後o既意義囉～！！