＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今晚呢個飯局，其實早於尋晚時間就已經由『愛人』通知左我啦．．．
不過佢就話因為Marcus成日會改變計劃，所以我地呢次約會暫時就叫暫定～！！

而o係今早返到公司之後，佢就正式同我講話今晚個飯局係會落實喇～！！
所以我地就要夾好今晚點做，不過次次o既做法咪都係等埋佢收工後會合嚕～！！

至於原定計劃方面，佢就話Marcus係會先出市中心到行住街等我地．．．
但係今日確定左會合方法之後，佢又突然同我講話到時要過屯醫先等埋一齊去～！！

除此之外．．．
今晚呢個飯局原來係仲有一個人會出現，而Raina當然就係早前就已經見過啦～？！
我地三個先出左市中心到行左陣，及後等埋Raina到埋之後就過去新墟食飯啦～！！

至於今次去食飯o既地方，其實就係我早幾日先同『愛人』去食完o既舖頭啦～！！
我估佢地會揀去呢到食o既原因，多數都係因為『愛人』話呢到ｄ野幾好食啦～！！

因為佢早前同我食過一次之後，佢就已經話呢到ｄ野唔錯兼遲下要再食嘛～！！
至於飯局當中就梗係互相吹下水先，之後就變左大家圍埋研究我地部新手機囉～！！

另一方面．．．
原本今日個期正常係唔會有我，事關我早段已經預計今晚係佢地兩個食啦～？！
不過『愛人』約我o個陣就話，今次呢個飯局係Marcus好想約埋我同佢地去食喎～！！

其實我地四個已經唔係第一次圍埋食飯，所以我地都已經叫做唔算太陌生啦～！！
基本上圍埋o既時候就咩都會講下，甚至大家所講o既野都已經係好放啦～！？
無奈『愛人』今晚竟然又再一次成為被攻目標，主因就係因為一個中文字嚕～！！

由於近日TVB即將有套新劇要上，但大家到左近日都仍然唔係好記得個名．．．
所以我地今轉就圍埋講左呢個問題，無奈『愛人』將個鳳字誤睇為凰字嚕～！！
哈哈～正因為佢仲要好口響咁話好肯定個劇名，所以最終就要面對俾人串爆嚕～！！

而o係食完飯之後，我地三個男仔又再一次過去市中心到行返轉啦．．．
今次主要係因為佢地兩個想睇下ｄ衫褲，所以我咪陪佢地四周圍行下同睇下嚕～！！

最終佢地就梗係冇收穫，而且佢地仲約埋星期四放假o既時候一齊再去行過～！！
至於最後回程時間，當Marcus問及『愛人』聽晚餐飯點樣通理o既時候就搞笑喇～？！

我相信我地三個都叫做有左默契，知道我地當中個期係會點樣去夾定啦．．．
但係直到當時o既我都仍然冇收到『愛人』通知，話佢聽晚個期係由我負責嘛～？！
所以我就梗係諗住唔使理佢，最多．．．佢咪又係玩即日臨時約期嚕～！！

經過一段時間相處之後，其實我已經叫做可以打入佢地呢個朋友圈子啦～！！
同時我覺得Marcus已經覺得我同『愛人』o既關係，並非係一對普通朋友咁簡單～！！