＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

都已經有一段時間冇同Angela見面，所以我地今晚就約埋食飯啦～！！
今晚除左見面食飯之外，其實我係因為仲有ｄ野要拎埋俾佢嚕～！！

收工之後就先返屋企換衫，及後約好佢時間之後就落左元朗會合啦～！！
雖然我地都有一段時間冇見面，但係我地依然有好多話題去傾去講呀～！！

先o係元朗西等埋佢之後，我地就行返入朗屏到買左ｄ野先啦．．．
事關佢話想去呢邊買返ｄ整蛋糕o既料，所以我地咪走去行左一轉囉～！！
到佢叫做買齊返堆基本用料之後，我地就行返出去元朗o個邊行陣街先～！！

由於佢話想行陣街睇下有咩買，所以我地咪又邊行邊吹下水先囉．．．
首先主要都係講下佢點解要整蛋糕o既原因，同埋佢近日o既生活又係點啦～？！
得知佢最近已經搵到一份新工，不過返工地點方面就真係比較遠嚕～！！

另外．．．我地又講到阿熒近日o既事，睇o黎佢開始有ｄ不滿喇～！！
哈哈～佢地呢對『愛人』o既關係，似乎位置上開始有點兒唔協調喇喎～！！

及後到佢話已經睇完佢要睇o既野之後，我地最終就去食今晚o既晚餐啦．．．
由於今日係星期五晚o既關係，所以周圍都有好多人等位準備食飯呀～！！
所以我地最終就揀左食大排檔，事因呢到ｄ野唔錯之餘又唔使等位嘛～！！

至於呢轉所傾到o既話題，忽然間就變到好人生同埋關於感情上o既事喇～！！
就住工作上o既事都有探討過，另外就住愛情及友情等問題亦都有談論過～！！

首先講到同事變朋友o既問題，原來佢都已經係一個過來人喇．．．
雖然我都知道呢個轉變係好困難，畢竟同事同朋友o既關係始終會係有唔同～！！
而佢都好認同要將同事轉化為朋友，真係唔係個個都可以做得到嚕～！！

有過呢種經歷o既佢去同我分享呢種感受，我地突然間有一種莫名o既共鳴～！！
每當環境有所轉變o既時候，當中可以有p既話題及共鳴感係咪仲會咁強呢～？！

另一方面．．．
我今次亦都有同佢講下近期o既生活，當中內容就梗係有喜有悲啦～！！
同佢講下我o既公事及人事，而佢從我所講o既野當中又俾到唔少啟發我嚕～！！

我地都明白男仔一直演繹o既角色，都係俾人覺得要強同埋有責任感．．．
所以當一個好識關心同照顧自己o既人出現，自己一定會被當中o既事所感動～！！
或者我同『愛人』呢一年o既關係，就係憑住一份真心對人而去建立返o黎啦～！！

最後．．．我地又一邊行去西鐵站，一邊傾埋關於愛情o既問題啦～！！
對於愛情呢方面o既處理，好多人都知道理性同感性o既手法係有好大分別啦～！！

好多時人可以理性去面對同解決，主要都係因為關係上或心態上o既唔同～！！
但係當每個人面對愛情o既時候，往往都會變得好唔冷靜及唔夠理性嚕～！！
正正就係因為身邊人或自己o既經歷，會令自己對呢方面o既顧慮係多左啦～！！
所以我地至今都唔選擇呢樣野o既原因，好可能都係因為自己未有足夠信心啦～！！