＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日一大清早就收到個SMS，一睇之下原來係『愛人』send俾我啦．．．
自佢最近轉左同我同台之後，我地其實都已經開始加埋用SMS去傾計啦～！！

至於今早呢個msg主要o既目的，就係佢想約我今晚同佢出去食飯～！！
其實佢咁突如其來o既約會，最初都令我諗到Marcus今晚又唔同佢一齊所致～？！

最終答案就果然不出我所料，今晚佢地兩個真係各自有自己飯局啦～！！
至於我同佢就同以往一樣，都係收工之後再會合埋返左寶田一轉先啦～！！

由於我呢排又係比佢早收，所以我又係先返左屋企到換左衫先啦．．．
及後到佢放工就打電話俾我，到時我先至落去會合埋佢一齊返過去嚕～！！

上到寶田都係先傾返一排計，同時又要商討一下今晚應該食ｄ咩啦～？！
雖然形式上點都係要傾下食乜，不過早段o係公司SMS通話時已經夾好～！！

所以同佢o係上面傾計傾到約7:30pm左右，我地就行出去何福堂喇～！！
至於今次帶佢去食野o既地方，當然就係佢從未去試過o既新地方啦～！！
因為我事前都諗過呢到ｄ野幾o岩佢口味，所以我先至有呢個決定啦～！！

另一方面．．．
佢即將會離開o既消息，今日下午o係公司亦已經正式對外宣佈左喇．．．
不過．．．我同佢都同時覺得，呢個對外宣佈o既形式根本就全一場戲～！！
事關要佢正式同大家宣佈o既人係老細，而並非係佢自願想同大家咁講～！！

雖然我一直都好清楚佢o既動態，但我一向都係用低調o既方法去處理～！！
同埋我地其實都好清楚班人對於我地之間o既關係，早就已經起左疑心添啦～？！

佢地一直都估緊我地o既關係，應該就唔係平時o係公司見到o既咁表面．．．
無奈佢地冇證據去證明到任何野，但係佢地都亦曾經試過去挫我反應～？！

就住呢個問題方面，我地今晚都仍然覺得選擇低調o既方法係最好囉～！！
我地都認為．．．就算佢地心知都好，呢個秘密就由得佢一世係秘密嚕～！！
反正我地都唔想再節外生枝，而且『愛人』亦唔打算日後會同佢地再有聯絡～！！

另外．．．正o係我同佢食飯期間，我又突然收到Marcus來電喎～？！
佢第一次咁樣打o黎搵我問路，真係令到我同埋『愛人』都覺得好意外嚕～！！
事關我地一直都係以三人行方式維繫，照理佢要搵我都係會經左『愛人』先嚕～？！

至於食完飯之後，我同『愛人』又係時候傾下佢日後要繼續還債o既問題啦．．．
雖然我地以急速發展至現時關係，但係我地都真係有需要諗埋日後o既問題啦～？！

一年時間．．．
佢曾經應承過我會做或改o既野都有唔少，而當中部份亦都已經兌現左啦～？！
繼續一路行一路傾計咁返去寶田，最終返到去就變成三個男仔一齊睇電視～！！