＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
尋日就因為公事方面o既問題，而佢就足足俾我鬧左佢成個下午啦．．．
鬧完之後又再加埋尋晚o既私事問題，佢就搞到要一連俾我鬧足兩日呀～！！

『愛人』近日o既表現已經開始有ｄ唔穩定，所以問題又再一次出現喇．．．
佢曾經同我講過o既野，直到今日竟然又再一次因為佢o既表現而令我失信心嚕～？！
佢宜家仲o係CPH都已經咁o既樣，難保日後佢轉左去PYH之後會否打回原形嚕～？！

至於尋晚同佢地食完飯之後，今晚餐飯又再一次係由我去陪佢一齊食啦．．．
不過今晚同以往有少少唔同之處，就係我地放工後要去買送返去寶田玩煮飯仔～！！

其實佢尋晚話今日有野要做之時，我都以為佢今晚係會自己搞掂或已有約啦．．．
不過佢今早返到公司之後，第一件事就係行埋o黎約我今晚一齊玩煮飯仔囉～？！

一如以往o既做法，都係我地收工之後會合返埋一齊去買野同返上去啦～！！
其實佢早就已經有計劃今晚想煮咩食，所以我地會合埋之後就已經可以起程～！！

買好晒ｄ野食之後，我地就返上去寶田到玩煮飯仔兼傾返一輪計啦．．．
至於近日同佢所講及o既大熱話題，當然就係佢o既離開同埋接手人o既表現啦～！！

其實公司裡面都明顯睇到有ｄ唔係好妥，不過大家至今都仍然選擇扮傻囉．．．
話晒新人事新作風之餘，大家其實都已經各自有佢地一套諗法同應對方式啦～！！
一旦『愛人』正式離開呢到之後，我就肯定會同宜家o既玩法完全唔同o架喇～！！

另一方面，由於我同『愛人』近期先後都出左部新電話o既關係．．．
所以我地都有一齊去研究下部機，睇下部機仲有咩要搞下及好玩o既地方啦～！！
不過近期令我地機不離手o既主因，都係因為我地都要忙住同人玩Whatsapp嚕～！！

除此之外．．．
今晚難得係得返我地兩個，所以我都趁機同佢講下近日ｄ問題先啦．．．
首先係講到班同事有計劃想同佢搞farewell，同時又同佢簡單講下及後o既處理～？！
同佢傾左一陣之後，真係可以一再證明CPH班人o係佢心目中到底係有幾差嚕～！！

不過當中最大o既問題，就係我同佢日後o既溝通及相處模式要點樣重執啦～？！
我硬係有種感覺覺得我地一旦分開，之後o既感情同關係就會好快變質嚕～！！

我都唔知道．．．到底係我對佢冇信心，定係我對我地之間o既感情冇信心嚕～？！
畢竟我同佢真係兩個世界o既人，但佢呢一年o既改變又的確令我睇到唔少野喎～？！
雖然可以話呢年o既經歷將我地兩個拉埋左，不過及後o既維繫先係真正考驗嚕～！？

已經真正踏入左十一月，佢係CPH工作o既日子就只係得返最後一個月．．．
所以呢個月就真係好多野都要埋尾，而且要搵次機會真正同佢傾埋堆問題喇～！！

最後一次o既Monthly Gathering日子雖然未定，不過我相信好快會有定案啦～！！
因為我已經開始著手去排緊呢個月ｄ約會，所以佢好快都要交個期出o黎嚕～！！

至於〝那此年．．．我們一起追的女孩〞呢套電易就係近日大熱話啦．．．
所以我都一定要同阿仔去睇一次，有見及此就梗係要提早傾好約期o既問題啦～！！

套戲佢早前就已經睇左，至於我至今都仲未睇o既原因咪就係因而阿仔個期啦～！！
所以我今日就問緊邊個可以幫我買飛之時，佢就竟然話唔肯幫我去一轉喎～！？＞＜”

我見佢反正星期四放假都係要外出，所以我先叫佢幫我去一次啦．．．
但係點知佢竟然一次又一次過唔到關，所以我最終都係選擇唔出聲兼自己去買～！！
呢段時間o既我已經出詔幾次招去測試佢，但佢就竟然冇一次順利完成到囉～！！

有見及此．．．我今晚都特意問左佢一次，到底佢覺得佢了唔了解我囉～？！
雖然佢係她有自信咁答我話都幾了解，不過我就回佢一句〝咁又未必〞嚕～！？

其實．．．我近日已經反覆諗過呢個問題好多次，但係我次次都未係好肯定到～？！
無疑o係基本o既認知同埋我o既性格及玩法方面，佢就已經叫做係過左關啦～！！
不過佢係咪真正可以做到某個水平上o既層次，我就的確需要ｄ時間再引證嚕～！！