＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
已經有一段時間唔使陪佢食飯，不過今晚晚飯後就竟然收到佢來電喎．．．
原來佢因為俾Marcus丟低左要食自己，所以佢就打o黎叫我陪佢出去食晚飯喇～！！

由於佢近兩日已經開始病病地，所以我地諗野食方面都要小心ｄ啦．．．
不過佢始終都係好鍾情於新墟間〝坤記〞，所以我咪如佢所願同佢去食嚕～！！

今晚一見又聽到唔少關於近期o既事，當然當中唔少o既都係私事方面啦～！！
至於公事方面近日已經少左野要傾，原因咪就係因為佢即將要離開呢到囉～！！

佢一連兩次要去Interview都好唔順利，上次就因為打風已去唔成啦．．．
今次就竟然o係要去見之前先o黎病，唔通呢一切o既考驗都真係天意～？！

其實近期少左同佢會面同埋傾計，主要原因其實就有兩個啦．．．
其一係因為佢身在寶田而少左通電，其二就係因為佢o既主力變為Marcus啦～！！
不過我都唔知係咪真係因為少左對話，而搞到近期o既感覺開始有唔同啦～？！

另一方面．．．
就住佢近日o既事宜方面，早於今早o係公司做野o既時候已經傾過下啦～！！
雖然我係佢心目中o既排位仍然係好高，而且我o既特別性都同樣係處於高位～！！

相比佢身邊遇過o既唔少人士，對佢我都的確算係好好同埋較為特別啦～！！
無奈佢近日o既問題又開始多返，所以我都要再諗下可以點樣再去處理佢～？！

而今晚o係陪佢食飯期間，我當然就聽到佢呻下佢對Marcus不滿o既事先啦～？！
起初我收到佢來電o既時候都已經覺得古怪，最後佢就完全咁同我講左一次啦～！！

雖然．．．我唔知道佢係咪叫左已經接受或習慣左佢同Marcus係咁樣去相處～？！
不過o係今晚聽到佢係咁呻o既期間，我又覺得呢ｄ問題係會影響兩人間o既關係～！？
其實早於佢話要搬開住o既時候，呢堆問題我早就已經提醒過佢一次要小心嚕～！！

我可以理解佢點解會對Marcus有咁多不滿，但我又相信佢係好忍得o既～？！
雖然佢俾我o既感覺好似就快要爆炸咁，不過我覺得佢最終識得點樣處理o既～！？

至於今個月Monthly Meeting個期方面，我地又係時候要傾下點樣安排呢～！！
但由於佢呢幾日病左o既關係，所以我地或者要將個安排延至月中或月尾時間嚕～！！