＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
今日係兩個特別o既日子，其一就係今日係國慶日假期啦．．．
至於其二特別o既重點，就係我地兩位好朋友結婚o既大日子啦～！！

由於要出席今日o既婚禮，所以我都特意搞得比平日隆重一點啦～！！
所以我一早就約左屈姐陪我去剪頭髮，及後就出市中心到食野啦～！！

而o係呢個時間，我地就等埋阿樂同埋司欣過o黎會合埋我地啦．．．
到等齊晒所有人之後，我地就一齊行去車站準備搭車出去會場到觀禮啦～！！

不過o係未出去之前，就先後已經發生左兩單令屈姐同司欣不快o既事喇．．．
首先就係司欣因事而搞到遲大到，之後屈姐同阿樂又玩野搭車先行一步嚕～！！

另一方面．．．
我o係呢段行程期間，就先後收到三妹同埋阿仔來電講及今日o既事啦～！！
三妹就因為早前收到餅咭o既事而有問題，至於阿仔就將會出席下段婚宴啦～！！
由於早前話會缺席o既阿仔突然又可以o黎到，我當然係覺得好開心啦～！！

而我地四人原本應該一齊行，但就因為兩男玩野o既關係而分開兩架車行．．．
最終我地要出到中環之後再會合返，及後就仲要等埋芷君先過去會場啦～！！

不過o係我地行緊過去會場之際，我地就已經見到一眾兄弟及姊妹團喇．．．
難得一大班舊同學聚埋，當然唔少得o既就係影下相同埋傾返一排計先啦～！！

見證住Tracy同阿Ken雙雙步入會場，突然間令我有種好特別o既感覺呀．．．
人生可以踏入呢個階段係需要經歷唔少野，所以各位都為佢地送上好多祝福～！！

至於下段時間，我地就齊齊過返旺角之後準備會合埋其餘幾位朋友啦．．．
呢轉加入我地o既就有阿仔、大妹同舅父，而呢個時候o既各位就先hea返陣～！！
到等齊晒佢地都到埋之後，我地就一齊過去今晚婚宴o既會場到玩下喇～！！

至於會場俾我o既感覺真係好靚，當然呢次婚禮亦同時俾我睇到咩叫心思啦．．．
要打造一個既浪漫且感動人o既婚禮，我知道係需要花上唔少時間同埋心力嚕～！！

睇住兩位朋友新婚及今晚o既一切，突然間令我體會到感動係源於真心．．．
當你在乎o既人係你身邊o既時候，好多野其實都已經唔再成為大問題喇～！！
是晚婚宴俾左我一種好深o既體會，俾我更知道幸福同身邊人係應該珍惜～！！