＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
尋晚有同『愛人』通過電話，因為佢都要同我夾好今日返工要點樣做嘛．．．
因為自星期五單野發生左之後，『愛人』玩黑面就玩到今日都仲未完呀～！！

不過自佢出左呢招之後，佢條Team班同事又的確係聽話左好多喎．．．
同時佢地亦因為覺得『愛人』仲未嬲完o既關係，所以就先後向我求救囉～！！

雖然佢地各自o既版本都已經聽晒，但我仲未睇到佢地真正發覺問題係咩～？！
至於今早一返到公司o既時候，就連肥仔都主動同我傾左一次呢件事及解決方法～？！

上星期已經聽過阿俊，肥妹同Tina講o既野，今早終於都聽埋肥仔個版本喇～！！
其實當肥仔今早同我傾呢件事o既時候，我本身都已經打左個突o架喇～！！
因為我冇諗過會連肥仔都會向我求救，而且仲會將其版本完整咁講過一次嚕～！！

今日成個上午時段，『愛人』都繼續keep住佢個黑面樣去嚇住班野啦．．．
但無奈我同佢都知道佢其實諗緊ｄ咩，所以我地兩個其實都真係好想笑囉～！！
至於班同事就梗係繼續扮死狗，盡量都唔會主動埋『愛人』身去製造問題啦～！！

及後肥仔同阿俊兩個，竟然就因為係咪一齊食lunch呢個問題而考慮左一排．．．
因為佢地都想約埋『愛人』一齊食，但奈何當時o既佢地又唔夠膽咁做啦～？！
所以佢地先後都提出左幾個方案，而主力都係要我同場食或由我去問佢嚕～！！

但因為我要繼續配合『愛人』呢場戲o既關係，所以我就梗係揀扮傻啦．．．
最終肥仔同阿俊都曾經試過自殺式去問，不過結果兩個都係要失望而回嚕～！！
亦正因為呢個原因，今日餐lunch就繼續由我同『愛人』買野返寶田食喇～！！

其實佢已經先後離隊兩日冇同佢地食，所以佢地都已經估緊ｄ野．．．
我知道身邊班人估緊佢呢兩日lunch-time，佢究竟去左邊到同埋同咩人一齊喇～？！

趁住我同佢一齊食lunch呢個時間，我地就先就住上半日o既情況傾過下啦．．．
因為發生左呢次事件之後，班同事主要都係搵我去傾同埋問及解決方法嘛～！！
就住我所聽到及同班同事傾過o既所有野，我先俾左個初部步總結佢啦～！！

因為我地都相信下半日應該會仲有野聽到，所以我地就諗住再睇定ｄ先～！！
到食完飯返到公司之後，肥仔就先行問及我係咪已經諗到方法去拆解啦～！？

而我就先後同佢三個傾過同分析過，希望佢地從中可以搵到方法自救囉～！！
我理解佢地都走o黎搵我o既原因，主要係因為我同『愛人』o既關係較特別～！！

再者．．．
佢地都知道次次出親事，只要我肯出手幫佢地o既就多數搞得掂嘛～！！
而且o係咁多個人當中，『愛人』亦都係最肯聽我講野或者受我勸導唷～！！

至於下午時間拍住肥仔做野o既過程中，我當然又挫到唔少野返o黎啦．．．
因為我知道『愛人』覺得佢係唯一只錯一半o既人，所以我先諗住睇下點幫佢～？！
傾左一個下午都雖然都未有共識，但起碼我已經了解左佢o既心態同諗法先～！！

先後兩日o既已經聽到同睇到唔少野，而我亦都知道佢地o既能力去到邊．．．
所以收工之後『愛人』又再次同我傾過，而我亦都已經俾埋下半場o既料佢啦～！！

成件事o既總結其實已經有晒，就係我完全睇到晒佢地諗野o既模式同心態．．．
佢地搵得我除左係相信我能力之外，明顯仍地係仲未完全反省過成件事o既觀點～！？
而且佢地成日急於向我求救o既原因，主要都係因為唔想個氣氛繼續維持係咁～！！
但經歷左咁多事之後，我覺得佢地始終都係唔識點樣去自救同避免問題發生～！！