＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日呢次三個男仔o既自由行，目的地就係揀左去山頂同埋赤柱呀．．．
同時呢日o既安排亦係阿仔年度第二轉飯局，不過嘉賓方面就換入Raymond啦～！！

上年大搞就搞到好感動同難忘，今年我所選擇o既手法完全係唔同晒呀．．．
冇特別o既禮物、場地同埋一大班人同場慶祝，換o黎o既只係兩場簡單o既飯局～！！
而今年先後出現呢兩場飯局o既嘉賓，其實對阿仔o黎講都係可以有莫大o既幫助～！！

至於今日呢個行程及安排，完全係由Raymond自己一手一腳去搞掂晒囉．．．
第一場o既時段就只係得同Raymond兩個，及後阿仔先正式加入我地o既行程嚕～！！

今早我就搭960出去中環會合埋Raymond，首站就係先去食左個Ｍ記啦．．．
及後我地就去搭巴士上山頂開始第一轉行程，事關我地想上去睇展覽同行下呀～！！

山頂廣場上面搞左個巴士及電車展，所以我地咪約一齊上去睇下兼影下相啦．．．
今次上得山頂除左為左睇展覽之外，當然唔少得o既就會影下景同埋行下山啦～！！

前後用左近三小時o既第一轉行程，尾站就係o係山上到食左個下午茶啦．．．
到我地好自在咁食埋野兼吹下水之後，我地就要去搭返巴士落山去第二站喇～！！

而呢站o既目的地，就係下周我地將會出席Tracy婚禮o既註冊場地喇．．．
因為呢到我都唔係太識路點樣去，所以我地趁仲有時間就去左試行一轉先嚕～！！
到搞掂埋呢件事之後，我同佢又要繼續搭巴士落返去西灣河等阿仔喇～！！

由於阿仔今早要返學校處理ｄ事，所以佢下段先可以開始加入我地啦．．．
大約7:30pm左右．．．會合埋阿仔之後，我地就正式開始第二階段行程喇～！！

其實我同阿仔都已經唔係第一次入赤柱，但係今次我地就轉左個新路程入去．．．
平日搭開o既方法都係o係中環上車，而今次我地就揀左經大潭水塘入去呀～！！

至於Raymond今日都夠晒新鮮，因為今日好多野都係佢o既第一次呀．．．
第一次搭巴士上山頂兼行上山頂最高處，同時佢今次又係第一次入去赤柱啦～！！

去到赤柱首先就經歷左咩叫荒山野嶺，因為赤柱炮台呢個總站係呃人o既．．．
因為我地去到呢個o既時候炮台就見唔到，睇到o既就只係一個唔入得去o既軍營～！！
雖然我地曾經有過一剎那流落荒野o既感覺，不過呢種經歷又真係好特別喎～！！

及後我地又搭返車出去市集o個邊，因為去返呢個先會有景睇同有野食嘛．．．
我地今晚揀左一間好有feel同埋特色o既餐廳食飯，望住個海又吹住海風咁食野～！！
當然我地三個男仔走埋就梗係會影相兼傾下計，全程感覺都o黎得好自然～！！

經過左一輪食下又玩下之後，我地都係時候要離開喇．．．
最終．．．我地又係揀返黎o既方法向東區出返去，事關我地仲有一站要去～！！
而尾轉要做o既野就係落返筲箕灣食糖水，至於呢轉就改為講下興趣上o既野喎～！！

回顧一下我同Raymond之間o既認識過程，主要都係因為搭巴士而起啦．．．
至於今日同阿仔傾到o既野方面，主要就係延續返上次飯局未傾完o既事啦～！！

就住佢近日o既表現當然有唔少野要讚，同時我亦都睇到佢心智上o既進步．．．
佢o既轉變或多或少有因為我地o既影響，同時佢o既經歷亦令佢有左自己o既睇法～！！

無論係相處上定係做人處事上o既手法，我明顯都係見到佢有唔同到囉．．．
我覺得佢開始明白到我地教過o既野，開始知道咩野叫做層次、心態等o既差別～！！
而呢個改變相信對佢而言係正面o既影響，畢竟佢會學懂更成熟咁去處理問題～！！
 
It' s a beautiful day

熟悉的花店滲著香氣
昨天應該很刺鼻
路邊的光景我從不理
卻察覺有份明媚

難堪別離　遲歸晚起
因信奉缺憾美交上了傷悲
沉溺後期　能吃不味
一瞬直覺贈我重生的勇氣

It' s a beautiful day 我竟不知
It' s a beautiful day 驗證一次
雨後陽光的意義 微笑過日子

It' s a beautiful day 換上新衣
It' s a beautiful day 別再失意
製造人間的美事 才算有大志

人觀入微　有驚有喜
於碎事細部裡找到了心機
留些日期　遊覽天地
陰雨亦覺是美　才可找到你

It' s a beautiful day 我竟不知
It' s a beautiful day 驗證一次
雨後陽光的意義 微笑過日子

It' s a beautiful day 這裡開始
It' s a beautiful day 沒有終止
這是奇蹟的意義 微笑裡會意

In every way, enjoy the day