＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
尋日因病加埋要見工而早退o既佢，今日突然間話想約我出去見面傾計喎～！！
起初我都諗住佢病左係應該好好抖下，所以呢幾日都應該唔會有佢特別消息啦～！！

至於今日會面之前，佢原本係應該要去大埔到考個關於基本法o既試啦．．．
但佢最終就因為食藥後訓過鐘而缺考，同時佢早段o係MSN都已提過話唔想去～？！
雖然佢係有咁講過話唔想去考，但係我冇諗過佢最終都因為其他問題而冇去～！！

所以我地最後正式見面o既時間，就比原定約好o既提前左一個鐘頭囉．．．
至於地點方面初期都有諗過大埔定粉嶺，而最終o既決定當然又係揀返老地方嚕～！！

另一方面．．．
其實今日原定係會有Monthly Gathering，不過最後都因為佢病左而要改期啦～！！
但今次見面就改為以Monthly Meeting形式進行，而主力講o既就竟然係同公事囉～？！

由於佢尋日早走兼放左半日假，所以我都會同佢講返尋日發生左o既事啦～！！
其實一般性o既問題我地都已經預左，所以講o既主要都係人事上o既問題嚕～！！
再者佢尋日下午又去左見工，所以當中唔少得o既就梗係會講下呢ｄ事啦～！！

雖然今日仲係未正式確定佢會走，不過呢個轉變相信好快都會變成事實～！！
同時．．．隨住佢o既離開，及後o既公私事兩方都肯定存在住唔少變數嚕～！！

唔經唔覺同佢已經相處左接近一年，轉眼間o既佢又話就快要走喇．．．
突然間好似覺得有種好奇怪o既感覺，而呢種感覺又真係連我都唔識形容呀～！！

至於佢同Marcus同住o既問題，聽返佢近日o既口氣都開始覺得有ｄ野啦～！！
事因佢近日已經病左唔舒服，但係Marcus又確係唔太識理佢感受同照顧佢嚕～？！

先後同佢講晒公事及私事o既問題，最後就陪佢去交埋電話費啦．．．
趁呢個時間當然就係同佢提及下，我地近月o係相處上o既轉變同埋問題啦～？！
至於我早前準備左o係Gathering當日先俾佢o既野，我臨走前亦都已交到佢手喇～！！