＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

今日o係公司同『愛人』傾左一排計，而今次傾o既竟然係理論喎～！！
已經有一個月冇去玩過o既佢，到底呢個月係咪繼續玩完全封閉呢～？！

至於今日同佢所傾o既一大堆理論，主要都係同相處方面有關o既．．．
由於我地o既關係同相處方法真係好特別，所以我地都有為此去探討過嚕～！！

佢話我地o既關係真係好得意，因為我地係用緊拍拖式手法去相處喎．．．
雖然我地平日會成日鬥咀，但其實我地內心背後都係好關心同埋錫對方o既～！！

同時佢又講到．．．
任何關係其實都係要經歷過唔同階段，而且當中o既過程係會有助加深了解～！！
因為我地都好清楚朋友係分做好多層次，而當中唔同o既層次玩法亦會有別啦～！！

至於日前同佢傾過o既轉工問題，佢今日亦都已經有左決定同答案俾我喇～！！
其實呢一切o既轉變我遲早都要接受同適應，或者呢個改變又係一個新階段囉～！！

另一方面．．．
今日就約左一班舊同學及掛牌出去食飯，事關Tracy今晚就要派帖俾我地呀～！！
距離佢結婚o既日子又近左一步，大家都好為佢感到開心及送上我地o既祝福囉～！！

而今日出席o既人除左Tracy、我、阿仔、Raymond、屈姐、司欣之外．．．
同場就仲有兩位從前o既舊同學，不過佢地都冇俾我地一種好陌生o既感覺嚕～！！

全場圍埋除左講到婚禮o既事之外，當然就係會講下大家各自o既近況啦．．．
至於我同屈姐就成為左呢場飯局o既主導，因為有我地就有氣氛o既保證呀～！！

爆笑連場o既情況之下，當然就會唔少人成為俾拖落水o既對象啦．．．
而今次俾我同屈姐聯手夾擊o既人，無疑就係同我地好玩得o既司欣啦～！！
圍埋咁傾下笑下串下就一晚，全餐飯去到10:30pm左右就要正式散喇～！！

另一方面．．．
今日o係我出緊去市中心o既時候，『愛人』係曾經打過電話o黎俾我o架～！！
事因係佢同Marcus今晚要外出食飯，所以佢地就想約埋我一齊出去嚕～！！