＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

  
今日收工之後o既飯局，就繼續由我陪『愛人』兩個一齊食啦．．．
不過我地o係尋晚就已經傾好埋，今日收工後會先同佢去剪頭髮啦～！！

一如以往．．．
收工之後都係先各自返左屋企，及後再約好時間會合埋再出去啦～！！
大約6:30pm左右就收到『愛人』來電，話佢已經開始行緊過o黎搵我啦～！！

不過我今日o係公司同屋企都火到爆，先後同唔少人都開過片呀．．．
公司o既野都已經講到我唔想再講，至於屋企今日就竟然玩無理取鬧囉～！！

全日黑面o既情況之下，公司班人就冇一個人敢埋我身為我製造問題啦．．．
至於同屋企人開火o既原因，或多或少都係同我今日嚴重燥底有關嚕～！！

至於今晚同『愛人』個飯局，就先同佢去新墟剪完髮後先再去食啦～！！
其實今日玩黑面都已經叫做達到目的，再加埋我今日火氣重到咁樣呀～？！
而我今日黑面兼埋發脾氣，『愛人』當然就有出手哄我同問過我發生咩事～？！

唔知係咪因為兩晚冇覺好訓，及後再加埋公司同屋企ｄ野令我憫啦．．．
所以最終就搞到我今日咁o既樣，但係同『愛人』剪完髮之後就已經冇事嚕～！！

因為鬧人都需要好大量力氣同能量，可能我已經將所有野都爆發晒啦．．．
及後o既我又已經變返做平時o既我，所以我地之後都繼續有講有笑呀～！！

至於今晚呢餐晚飯．．．
我地就決定出去市中心到食，而o係飯局期間就講到興趣上o既問題啦～？！
其實『愛人』係知道我有買開巴士儲，而佢今次就竟然同我探討相關o既野～！！
事關佢知道堆車買完後有升值o既可能，所以佢就話計劃跟我買巴士儲喎～？！

再者係一連兩晚o既飯局當中，似乎『愛人』又搵到我更多o既優點咁喎．．．
因為o係今晚食飯途中，佢話我真係一個好值得人去欣賞o既人喎～？！
而且佢又覺得我有心要做一樣野，最終點樣我都係會做得到o既～！！

雖然我同佢已經相處左一段時間，不過佢對我o既了解仍然唔係太多．．．
當然佢就梗係睇到好多基本野，至於部份內心o既野佢都亦都有所認知啦～！！
加埋呢兩晚o既飯局之後，佢就突然話佢真係需要好好咁了解下我喎～！！

又係食到飽一飽咁先，所以『愛人』話想去食其他野o既計劃最終冇左～！！
不過佢始終都係堅持去飲左碗涼茶，之後又堅到話想食雪糕就即時買左o黎食～！！

其實加埋呢兩晚o既飯局之後，我地都覺得要了解一個人絕非易事呀．．．
因為要真係做到了解對方，過程中係需要花上唔少心力同埋時間呀～！！
 
永久保存

彼此呼應　有什麼也很高興
就算苦都獲全勝
全靠有你的掌聲

已共你一年　記憶亦同樣新鮮
如像蓋著蓋掩　永久保存
從未間斷　在回味每種感覺　加倍念記
嘴裡那份甜味　得你　不捨不棄
我的眼中只有你　今世不靠運氣
只靠在患難亦撐我的你
推翻相戀變淡這個定理
無人像你　不可放棄

已共你一年　記憶亦同樣新鮮
如像蓋著蓋掩　永久保存
從未間斷　在回味每種感覺　加倍念記
嘴裡那份甜味　得你　不捨不棄
我的眼中只有你　今世不靠運氣
只靠在患難亦撐我的你
多麼感激以後能有著你

幸福中跟你跳著舞　漫天星星一起細數
全部最好已經得到　你燃點我的旅途
沒法比　若可捉得緊你　我可以通通放棄

感覺加倍念記　嘴裡那份甜味
不會有著限期　我的眼中只有你
今世不靠運氣　只靠在患難亦撐我的你
推翻相戀變淡這個定理
無人像你　不可放棄