＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

 
今日同早前多個星期一都係一樣，晚餐就照舊都係由我同『愛人』食啦～！！
一早返到公司就先傾好呢個問題，因為我地要夾好收工之後o既安排嘛～！！

雖然我地都只係星期日冇見面，不過今日都照樣多野要一齊傾喎．．．
當然除左公事都會傾下之外，今日重點要傾o既就係佢前途同愛情等問題～！！

收工之後都係先各自返屋企，及皈我就過去寶田搵佢hea左一排先落樓～！！
佢早前就話計劃今晚玩煮飯仔，不過呢個計劃最後咪又係變左落街食囉～！！

其實關於佢轉工一事，我地於日前就已經開始就呢個話題傾緊啦．．．
佢對PYH個位仍然係心大心細，而且佢又仲要考慮埋選擇左之後會否後悔～？！

我深知每落一個決定之前，人都係會就住唔同o既野慎重咁考慮一次～！！
因為當呢個決定一旦落實左之後，及後一切後果係點都只有自己去承受嚕～！！

至於o係佢愛情方面，佢就話佢已經決定放棄追佢o個位心目中o既女神喇～！！
不過呢個女仔日前就o係Facebook到打左ｄ野，所以令佢又有所疑惑啦～？！
經過先前多次o既經驗之後，我都認同好多事情o既發生係冇咁多巧合嚕～！！

不過宜家o既『愛人』就話，佢首先想要選擇o既係事業而唔係愛情嚕～！！
因為佢都深明一個叫做生活與現實o既道理，要有好o既生活就先要有經濟～！！

另一方面．．．
食完餐飯返上去寶田之後，我地都繼續有就住各個現實問題探討過啦～！？
到底現代o既愛情係咪一定會同金錢掛鉤，而女人又係絕大多數都係貪錢呢～？！