＊～Ｅｔｈａｎ’Ｓ　Ｌｉｆｅ～＊ 點滴是生命...

199愛的鼓勵 0訂閱站台

雖然今日係星期六，但係我同『愛人』都照舊有過會面喎．．．
至於呢次o既會面實屬突然性，因為佢都係用MSN同我講話有事要搵我傾～！？

原本打算今日唔出街o既我，最終都因為佢有事搵我而去左粉嶺一轉啦～！！
其實自『愛人』過左o黎屯門住之後，我都已經甚少再有需要過去o個邊喇～！！

因為自佢定左個新安排之後，我同佢o既見面時間已經重新調整過晒．．．
一般性約期主力都會擺o係星期一至四，至於假期時間就會交俾佢再作安排～！！

由於佢突然問到我身在邊到o既關係，我都知道佢應該有野要搵我商討啦．．．
所以我地就即時約好時間地點，及後我就過去o個邊睇下佢到底發生左咩事啦～？！

因為今次o既約見太趕同太突然，所以搭車去到上水就見車都照轉喇．．．
但經過左呢次選搭70K之後，我就更加覺得平時選搭279X過去係明智之舉嚕～！！

去到佢屋企附近會合埋之後，我就同佢過左去粉嶺中心去行陣兼食左ｄ野～！！
最初我都擔心佢有咩事搵得我咁急，原來呢次會面係同佢o既去留有關喎～？！

事關佢日前收到一個前PYH同事o既電話，問到佢有冇興趣返去o個邊做啦～？！
因為o個邊宜家就有個人離左職，所以佢前上司就問佢有冇興趣去申請啦～？！

其實『愛人』自己都知道．．．
如果佢真係去申請呢個職位o既話，佢o既勝數相對街外人其實係較高唷～！！
而且呢個位o既職級同人工都比宜家o既高，但發展性相比宜家就較為窄嚕～！！

我地就住佢需要去考慮o既問題同層面，一一咁分析過所有o既利同弊啦．．．
當然CPH同PYH兩邊都各有其優勢，但一聽佢講之下其實我都已經心中有數～？！
相比之下．．．佢都知道兩個有優有劣，但我始終覺得佢係想揀PYH嚕～！！

畢竟佢以前又o係PYH做過，再者我又知道佢宜家根本就係好唔喜歡CPH呢．．．
其實無論點樣去比較，單係睇佢宜家對呢到o既觀感都知道已經係輸晒嚕～！！

而今轉除左有講到佢o既前景問題之外，公司o既人事問題同樣都有提及到啦～？！
雖然佢即將抽身唔使再落OPD Team到做，不過呢排發生o既野又真係好煩嚕～！！

因為公事而令到我地都睇到唔少野，結論係同事就始終只可以係同事囉．．．
由一開始就已經同佢傾過相關問題唔少次，或者層次唔同就真係唔同啦～！！
我知道經過埋呢次o既經歷之後，會更加令佢將班同事睇得通睇得透囉～！！

先後同佢傾完兩個主題部份，最後就當然會傾下我同佢o既私事啦．．．
除左透過平日o既相處同埋經歷之外，我地都認同共鳴同互動o既重要性囉～！！
因為．．．我同佢及Marcus之間o既極速進步，好大原因都係呢ｄ因素嚕～！！

另一方面．．．
佢原定九月同朋友去台灣旅行一事，宜家就改期至年尾再作打算啦～！！
因為佢個朋友話其公司年底會有優惠，所以佢地就將其計劃臨時改期嚕～！！

其實每次過去o個邊搵佢，我都係抱住一個開心兼且會有得著o既心過去．．．
但係今次同佢見完面之後o既心情，比從前任何一次都o黎得感慨同沉重～！！

因為一連串o既變動同安頓，呢兩個月先開始有個新方向同埋o岩o岩搞掂晒～！！
但係佢稍後作出o既一個決定，好可能又會將所有野作一個新o既改寫嚕～！！